IPLIN
 
  • Home
  • India
  • Red alert in eight states due to winter season, Weather forecast For rainy days and Snow fall

કહેર / ઉત્તરભારતમાં ઠંડી બાદ નવા વર્ષમાં વરસાદની આગાહી, 8 રાજ્યોમાં રેડ એલર્ટ, 68 લોકોના મોત

Team VTV 07:40 AM, 30 Dec 19 | Updated: 08:14 AM, 30 Dec 19
Follow us
Red alert in eight states due to winter season, Weather forecast For rainy days and Snow fall

ઉત્તરભારતમાં ઠંડી બાદ હવે વરસાદની આગાહી આપવામાં આવી છે. નવા વર્ષની શરૂઆતમાં સામાન્ય વરસાદ થઈ શકે છે. આ સાથે જ હવાની દિશા બદલાતા ઠંડીનું જોર ઘટી શકે છે. દિલ્હી, યુપી, હિમાચલ પ્રદેશમાં વરસાદની શક્યતા જોવા મળી રહી છે. 1થી 3 જાન્યુઆરી સુધી સાંજે વરસાદની શક્યતા તો બીજી જાન્યુઆરીએ હિમવર્ષા થવાની પણ આગાહી રાખવામાં આવી છે. ઠંડીના કારણે 8 રાજ્યોમાં રેડ એલર્ટ જાહેર કરાયું છે. તો અન્ય તરફ ઉત્તર પ્રદેશમાં હાલ સુધી 68 લોકો ઠંડીના કારણે મોતને ભેટ્યા છે.

  • ઠંડીનો પ્રકોપ યથાવત
  • આવનારા 2 દિવસ હિમવર્ષા અને વરસાદની આગાહી
  • પહાડો પર હિમવર્ષા, મેદાની વિસ્તારમાં ઠંડીનો પ્રકોપ

સતત વધતી જતી ઠંડીના કારણે મેદાની વિસ્તારોમાં પણ કડકડતી ઠંડી જોવા મળી રહી છે. રાજસ્થાનના અનેક શહેરોમાં તાપમાન 5 ડિગ્રીથી નીચે જોવા મળ્યું છે. લદાખના લેહમાં માઈનસ 20 ડિગ્રી તાપમાન રહ્યું છે. દિલ્હીમાં તાપમાન 2.5 ડિગ્રી સુધી પહોચ્યુ હતું. આ સાથે જ હિમવર્ષાના કારણે લેહમાં સિંધુ નદીનું પાણી જામી ગયું છે. 

ઉત્તર પ્રદેશમાં ઠંડીનો કહેર

ઠંડીના કારણે હરિયાણામાં તમામ શાળા-કોલેજો બંધ રહેશે. હવામાન વિભાગે રવિવારે 8 રાજ્યોમાં રેડ એલર્ટ જાહેર કર્યું હતું. પંજાબ, હરિયાણા, ચંડીગઢ, દિલ્હી, ઉત્તરપ્રદેશ, બિહાર, રાજસ્થાન અને મધ્યપ્રદેશમાં ભારે ઠંડીની ચેતવણી આપવામાં આવી છે. ઉત્તરપ્રદેશમાં ઠંડીના કારણે 68 લોકોના મોત નીપજ્યા છે. 

વિઝિબિલિટી ઘટી

રાજધાની દિલ્હી સહિત ઉત્તર ભારતમાં ઠંડી પડી રહી છે. છેલ્લા કેટલાક દિવસથી તાપમાન 5 ડિગ્રીથી નીચે જોવા મળી રહ્યું છે. સોમવારે પણ ઠંડીએ 4 ડિગ્રી તાપમાન સાથે નવો રેકોર્ડ બનાવ્યો હતો. જેના કારણે દિલ્હી-એનસીઆરમાં વિઝિબિલિટી શૂન્ય થઈ હતી. દિલ્હીમાં એર ક્વોલિટી ઈન્ડેક્સ પણ 462 નોંધાયો હતો. જેના કારણે જનજીવન મુશ્કેલીમાં મૂકાયું હતું.

દિલ્હીમાં 118 વર્ષ બાદ સતત 16 દિવસ શીતલહેર

દિલ્હીમાં સતત 16 મા દિવસે કોલ્ડવેવની અસર ચાલુ રહી. તેણે 118 વર્ષનો રેકોર્ડ તોડ્યો છે. આ અગાઉ ડિસેમ્બર 1997 માં, દિલ્હીમાં સતત 13 દિવસો માટે ઠંડીનું મોજું રહ્યું હતું. બીજી તરફ 1901માં શિયાળાએ ડિસેમ્બરમાં વિનાશ સર્જ્યો હતો. નવા વર્ષમાં 1 થી 3 જાન્યુઆરી દરમિયાન હળવા વરસાદ અને 2 જાન્યુઆરીએ હળવા વરસાદની સંભાવના છે.

ફ્લાઈટ અને ટ્રેન થઈ કેન્સલ અને કેટલીક ચાલી રહી છે મોડી

દિલ્હી એરપોર્ટ પર ખરાબ હવામાનને કારણે વિમાન અને ટ્રેનની અવરજવર પર અસર પડી રહી છે. આ સ્થિતિમાં ફક્ત કેટ 3 બી સિસ્ટમ્સથી પ્રશિક્ષિત પાઇલટ્સ વિમાનમાં ઉતરવામાં સક્ષમ છે. આવી સ્થિતિમાં એરપોર્ટે મુસાફરોને તેમની ફ્લાઇટ્સ વિશે જાણવા એરલાઇન્સનો સંપર્ક સાધવાની સલાહ આપી છે. તે જ સમયે, ધુમ્મસને કારણે ઉત્તર રેલ્વેની 30 ટ્રેનો મોડી ચાલી રહી છે.

 

Snow Fall Red Alert Winter Season weather Forecast ઉત્તરભારત ઠંડી રેડ એલર્ટ મોત વરસાદ આગાહી
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ