SBIની સરખામણીએ પોસ્ટ ઓફિસની રિકરિંગ ડિપોઝીટ પર વધારે વ્યાજ મળી રહ્યું છે. નાણાંમંત્રાલયે ચાલુ નાણાંકીય વર્ષની ચૌથા ત્રિમાસિકને માટે પોસ્ટ ઓફિસ પર મળનારા વ્યાજમાં કોઈ બદલાવ લાવ્યો નથી.
બેંક કરતા વધારે વ્યાજ મેળવવા કરો આ કામ
પોસ્ટ ઓફિસની RD પર તમને મળે છે 7.20 ટકાનું વ્યાજ
આ રીતે ખોલો એકાઉન્ટ અને જાણો પેમેન્ટ મોડ
જાણો RD પર તમને ક્યાં મળે છે કેટલું વ્યાજ?
લાંબા સમય સુધી સતત થોડા રોકાણને માટે સૌથી સારા વિકલ્પમાંથી એક રિકરિંગ ડિપોઝીટ છે. RDની મદદથી તમે દર મહિને થોડી બચત કરી શકો છો. રિકરિંગ ડિપોઝીટ એકાઉન્ટને તમે કોઈ બેંક કે પોસ્ટ ઓફિસમાં ખોલી શકો છો. બેંકની તુલનામાં પોસ્ટ ઓફિસમાં RD પર વધારે વ્યાજ મળે છે. હાલમાં ભારતીય સ્ટેટ બેંકમાં RD પર 6.10 ટકાનું વ્યાજ મળી રહ્યું છે. જ્યારે પોસ્ટ ઓફિસમાં RD પર 7.20 ટકાનું વ્યાજ મળી રહ્યું છે.
પોસ્ટ ઓફિસની RD પર તમને મળે છે 7.20 ટકાનું વ્યાજ
પોસ્ટ ઓફિસ ડિપોઝીટ્સ પર મળનારા વ્યાજને નાણામંત્રાલય તિમાહી પર રિવાઈઝ કરે છે. ચાલુ નાણાંકીય વર્ષની ચોથી તિમાહીમાં નાણાંમંત્રાલયે વ્યાજના દરમાં કોઈ બદલાવ કર્યો નથી. તેનો અર્થ એ છે કે 31 માર્ચ 2020 સુધી પોસ્ટ ઓફિસની RD પર તમને 7.20 ટકાનું વ્યાજ મળી રહ્યું છે.
જો તમે RD પર સારું વ્યાજ લેવા ઈચ્છો છો તો પોસ્ટ ઓફિસમાં રિકરિંગ ડિપોઝીટ જરૂરથી લેવી જોઈએ. જાણો પોસ્ટ ઓફિસની રિકરિંગ ડિપોઝીટ સમયે તમારે કઈ વાતોનું ધ્યાન રાખવું જોઈએ.
આ રીતે ખોલો એકાઉન્ટ
પોસ્ટ ઓફિસ RD સ્કીમના આધારે એકાઉન્ટ ખોલવા માટે તમને દર મહિને ઓછામાં ઓછા 100 રૂપિયા ઈન્વેસ્ટ કરવાના રહેશે. આ રકમ 10 રૂપિયાના મલ્ટીપલમાં કેટલી પણ વધારે હોઈ શકે છે.
રેટ ઓફ રિટર્ન
ચાલુ નાણાં વર્ષની ચોથી ત્રિમાહી માટે પોસ્ટ ઓફિસના રિકરિંગ ડિપોઝીટ પર તમને 7.20 ટકાનું વ્યાજ મળે છે. જો તમે પાંચ વર્ષને માટે RD એકાઉન્ટમાં દર મહિને ઓછામાં ઓછા 10 રૂપિયાનું રોકાણ કરો છો તો મેચ્યોરિટી સમયે તમને 72.50 રૂપિયા મળશે. પોસ્ટ ઓફિસ RD પાંચ વર્ષના સમય માટે હોય છે. આ સમય એકાઉન્ટ ખોલવાના દિવસથી પાંચ વર્ષને માટે રહેશે. જો તમે ઈચ્છો તો આ સમય આવનારા 5 વર્ષને માટે વધારી શકો છે. આ માટે તમારે એક એપ્લીકેશન આપવાની રહેશે.
વધુમાં વધુ કેટલું રોકાણ કરી શકાય
પોસ્ટ ઓફિસ રિકરિંગ ડિપોઝીટમાં વધારે રોકાણની કોઈ લિમિટ નથી. એવામાં તમે ઈચ્છો તેટલું રોકાણ કરી શકો છો.
કેવી રીતે કરી શકાય છે પેમેન્ટ
અહીં તમે કેશ કે ચેકની મદદથી પેમેન્ટ કરી શકો છો. જો તમે કોઈ મહિનાની 15 તારીખ પહેલાં એકાઉન્ટ ખોલો છો તો આવનારા મહિનાની 15 તારીખ પહેલાં પેમેન્ટ કરવાનું રહેશે. સાથે કોઈ મહિનાની 16 તારીખ પછી એકાઉન્ટ ખોલવામાં આવે છે. આવનારા મહિને તમે આ અંતિમ તારીખ સુધીમાં પેમેન્ટલ કરવામાં આવે છે. તમે ઈચ્છો તો ઈન્ટ્રાઓપરેબલ નેટબેંકિંગ કે મોબાઈલ બેન્કિંગની મદદથી પણ પેમેન્ટ કરી શકો છો.
ઉપાડ
આ સ્કીમમાં તમે મેચ્યોરિટી પહેલાં ઉપાડ કરી શકો છો. એકાઉન્ટ ખોલવાના 1 વર્ષ બાદ તમે કુલ રોકાણના 50 ટકા ભાગ કાઢી શકો છો. આ વ્યાજની રકમની સાથે મળતી રકમ હશે. જેને તમે 1 વર્ષ બાદ ગમે ત્યારે કાઢી શકો છો.