શિક્ષણ વિભાગ / ગુજરાતમાં ગ્રાન્ટેડ ઉ.માધ્યમિક શાળાઓમાં શિક્ષકોની ભરતી અંગે મોટા સમાચાર

• હાઈસ્કૂલ માટે નવા શિક્ષકોની શાળા પસંદગી પ્રક્રિયા પૂર્ણ 
• ગ્રાન્ટેડ ઉ.માધ્યમિકના 2938 શિક્ષકોને અપાશે જોઇનિંગ લેટર
• 2938 શિક્ષકોને 25 મે સુધીમાં અપાશે જોઇનિંગ લેટર

હાઈસ્કૂલના નવા શિક્ષકોની શાળા પસંદગી પ્રક્રિયા પૂર્ણ થઈ ચૂકી છે. ગ્રાન્ટેડ ઉ.માધ્યમિકના 2938 શિક્ષકોને જોઇનિંગ લેટર આપવામાં આવશે. જેમાં 2938 શિક્ષકોને 25 મે સુધીમાં જોઇનિંગ લેટર આપી દેવાશે. તો મેરીટ લિસ્ટમાં આવેલા ઉમેદવારોની શાળા પસંદગી પ્રક્રિયા પણ પૂર્ણ કરી દેવાઈ છે. કોરોનાના કેસ વધતા જોઇનિંગ પ્રક્રિયા સ્થગિત થઇ હતી. ગ્રાન્ટેડ માધ્યમિકના 2200 શિક્ષકો માટે જૂનમાં પ્રક્રિયા કરવામાં આવશે. 2200 શિક્ષકોની જગ્યા માટે જૂનમાં ડોક્યુમેન્ટ વેરિફિકેશન કરાશે. તો 7 જૂન નવા શૈક્ષણિક વર્ષથી નિમાયેલા શિક્ષકો હાજર પણ થશે. 

શાળાઓમાં હાલ વેકેશન

કોરોના સંક્રમણને લઈ હાલમાં શાળાઓમાં વેકેશન પણ જાહેર કરી દેવાયું છે. રાજ્યની સરકારી, માધ્યમિક અને ઉ.માધ્યમિક સ્કૂલમાં 3 મેથી આગામી 6 જૂન સુધી 35 દિવસનું વેકેશન જાહેર કરાયું છે. અને 6 જૂન બાદ નવા સત્રની શરૂઆત સાથે ઉ.માધ્યમિક શાળાઓમાં નવા શિક્ષકોની જોઈનિંગ પણ કરી દેવાશે. આ સાથે 7 જૂના દિવસથી નવા શૈક્ષણિક સત્રની શરૂઆત પણ થઈ જશે. 

તો આ સાથે ધોરણ-10 બોર્ડની પરીક્ષાનો બે દિવસમાં નિર્ણય લેવાશે. સ્થગિત કરેલી પરીક્ષાઓ અંગે પણ નિર્ણય કરવામાં આવશે. પરીક્ષા યોજવી તો ક્યારે તે અંગે 2 દિવસમાં નિર્ણય લેશે. અને શિક્ષણ બોર્ડના પ્રસ્તાવ પર ગહન ચર્ચા કરાશે. કોરોનામાં સતર્કતા સાથે પરીક્ષા લેવાય તેવો તમામનો મત છે. કોરોનાના કારણે વાલીમંડળ વિરોધ નોંધાવી રહ્યા છે.