ગુજરાતમાં ગ્રાન્ટેડ શાળામાં શિક્ષકોની ભરતીના ઓર્ડર સાથે પોલીસ વિભાગમાં PIની પરીક્ષા માટેની લેવાયેલી શારીરિક પરીક્ષાનું પરિણામ થયું જાહેર
શિક્ષકોના ડિજિટલ આંદોલન
વિરોધના મેદાનમાં શિક્ષકો
પાંચ દિવસમાં 20 હજાર શિક્ષકોનો સેલ્ફિ મોકલીને વિરોધ
હાલ રાજ્યમાં ઓફલાઈન શાળાઓ ફરી શરૂ થઈ ગઈ છે. જેને લઈને શિક્ષકોથી માંડીને વિદ્યાર્થીઓ અને વાલીઓ રાહત અનુભવી રહ્યા છે. પરંતુ પોતાની સાથે થઈ રહેલા અન્યાયને લઈને હવે ગ્રાન્ટેડ શાળાના 30 હજાર શિક્ષકો લડી લેવાના મુડમાં છે. આ શિક્ષકો અનેક મુદ્દાઓને લઈને સરકારથી નારાજ છે. શિક્ષકોના આક્ષેપ છે કે, સરકારને જ્યારે પોતાના કામ કરાવવા હોય છે ત્યારે શિક્ષકોનો ભરપુર ઉપયોગ કરે છે. કોરોનામાં રાશન કિટનું પણ વિતરણ કરાવ્યું, પરંતુ શિક્ષકોના મુદ્દાની વાત આવી ત્યારે હવે સરકાર આંખ આડા કાન કરી રહી છે.
કોરોનાના આ કાળમાં હાલ વિરોધ નોંધાવવા માટેનો સરળ રસ્તો સોશિયલ મીડિયા બન્યું છે. અને સોશિયલ મીડિયાની પહોંચ કરોડો લોકો સુધી છે. વિરોધ કરનારા શિક્ષકોના મુદ્દાઓમાં. શિક્ષણ સહાયકોની પાંચ વર્ષની નોકરી, સાતમા પગાર પંચના બાકી હપ્તા, ફાજલના કાયમી રક્ષણનો સુધારા ઠરાવ, હાઈકોર્ટના ચુકાદા બાદ પણ જૂના શિક્ષકની લંબાયેલ ભરતી પ્રક્રિયા, આચાર્યની નિમણૂંક વખતે ઠરાવ મુજબ તમામને એક ઈજાફાનો લાભ, જૂની પેન્શન યોજના લાગુ કરવવાનું છે. આ તમામ મુદ્દાઓને લઇને શિક્ષકો હાલ લડી લેવાના મુડમાં છે. શિક્ષકોએ ફેસબુક, ટ્વીટર, ઇન્સ્ટાગ્રામ સહીતના માધ્યમોમાં પોસ્ટ મુકીને વિરોધ નોધાવ્યો
મહત્વનું છે કે, આ પહેલા શિક્ષકો શિક્ષણમંત્રી, નાયબ મુખ્યમંત્રી તથા મુખ્યમંત્રીને રજૂઆત કરી ચૂક્યા છે. પરંતુ કોઈ નક્કર કાર્યવાહી ન થતાં હવે શિક્ષકોએ વિરોધ આંદોલન શરૂ કર્યું છે. અને હજુ સરકાર દ્વારા તેમના મુદ્દાઓને નહીં સાંભળવામાં આવે તો આગામી રસ્તા પર ઉગ્ર આંદોલનની ચીમકી પણ ઉચારી છે.. તેવામાં જોવું રહ્યું સરકાર શિક્ષકોના પ્રશ્નોને સાંભળે છે કે, હજૂ આંખ આડા કાન કરે છે.
ગ્રાન્ટેડ માધ્યમિક શાળામાં ભરતી
તો આ સાથે ગુજરાતની ગ્રાન્ટેડ માધ્યમિક સ્કૂલમાં નવા શિક્ષકોની નિમણૂક કરવામાં આવી છે. ધો 9-10ના 2750 શિક્ષકોને નિમણૂકનો હુકમ અપાશે. જેમાં DEO કચેરીમાં રિપોર્ટિંગ કરી નિમણૂક પત્ર મેળવવાના રહેશે. નિમણૂક પત્ર મેળવ્યાના 7 દિવસમાં સ્કૂલમાં હાજર થવાનું રહેશે. મેરિટ આધારે નિયુક્ત શિક્ષકોને સ્કૂલ ફાળવી હતી. ચાલુ વર્ષે કુલ 7525 શિક્ષકોની ભરતી કરવામાં આવી છે.