નિર્ભયા કેસ / ચાર દોષિતોને એકસાથે ફાંસીએ લટકાવનાર પવન જલ્લાદે સર્જ્યો રેકોર્ડ, જાણો શું

• જલ્લાદે તોડ્યો પોતાના દાદાનો રેકોર્ડ 
• પવનના પરદાદા અંગ્રેજ સરકારના સમયમાં જલ્લાદ બન્યા હતા
• ફાંસી આ૫વાની કળા તે પોતાના દાદા પાસેથી શીખ્યો છે: પવન

ત્યારબાદ લક્ષ્મણ રામના દીકરા અને પવનના દાદા કાલુરામે આ જવાબદારી સંભાળી હતી. દિલ્હીની જિસસ મેરી કોલેજની વિદ્યાર્થીની ગીતા ચોપરા અને તેના ભાઈ સંજય ચોપરાની હત્યા કરનારા કુખ્યાત અપરાધી રંગા અને બિલ્લાને કાલુરામે ફાંસીએ લટકાવ્યા હતા.

બે લોકોને એક સાથે ફાંસી આપવામાં આવી હોય એવી આ પ્રથમ ઘટના હતી. ત્યારબાદ કાલુરામે પૂર્વ વડા પ્રધાન ઈન્દિરા ગાંધીના હત્યારા સતવંત સિંહ અને કાવતરું રચનારા કેહર સિંહને પણ ફાંસીએ લટકાવ્યા હતા. 

કાલુરામે બાદમાં આ કામ દીકરા મમ્મુસિંહને સોંપી હતી. મમ્મુએ છેલ્લે વર્ષ 1997માં જબલપુરના કાંતાપ્રસાદ તિવારીને ફાંસી આપી હતી. ત્યારબાદ તેમનું મોત થયું હતું. મમ્મુના મોત પહેલા જ દાદા કાલુરામે પોતાના પૌત્ર પવનને જલ્લાદ બનવા માટેની તાલીમ આપી હતી.

પવને જણાવ્યું હતું કે, ફાંસી આ૫વાની કળા તે પોતાના દાદા પાસેથી શીખ્યો છે. દાદા સાથે તે પહેલીવાર આગ્રા જેલમાં ગયો હતો. તે સમયે એટલે કે 1998માં કાલુરામે દુષ્કર્મના દોષી જુમ્મનને ફાંસીએ લટકાવ્યો હતો.