આરોહણ-અવરોહણ / આભને આંબે એવા ગીરનાર પર 53 મીનીટમાં ચઢી-ઉતરીને યુવકે સર્જ્યો રેકૉર્ડ, જાણો કોણ છે વિજેતા

• જૂનાગઢમાં 14 મી ગીરનાર આરોહણ-અવરોહણ સ્પર્ધા 
• માત્ર્ર 53મિનીટ 30  સેકન્ડમાં જીત મેળવી રેકર્ડ તોડતો લાલ પરમાર 
• સીનીયર ગર્લ્સમાં યુપીની તામસીએ 32 મિનીટ્સ 15 સેકન્ડમાં જીતી 

ગીરનારમાં રાષ્ટ્રકક્ષાની 14મી આરોહણ  અવરોહણ સ્પર્ધા યોજાઈ હતી. જેમાં દેશભરમાંથી 360 સ્પર્ધકોઓ ભાગ લીધો હતો.  આ સ્પર્ધાનો પ્રારંભ સવારે 6 કલાકે થયો હતો. રાજ્યકક્ષાના મંત્રી દેવાભાઈ માલમે લીલી ઝંડી આપી સ્પર્ધાનો પ્રારંભ કરાવ્યો હતો. સિનિયર, જુનિયર એમ બે વિભાગમાં બોઈઝ અને ગર્લ્સની સ્પર્ધા યોજાઈ હતી. જેમાં ગુજરાત, મહારાષ્ટ્ર, દિવ, હરિયાણા, રાજસ્થાન, ઉત્તરપ્રદેશ, તેલંગણા, મધ્યપ્રદેશ, ઓરિસ્સા, બિહાર, છત્તીસગઢ, હિમાચલ પ્રદેશના સ્પર્ધકો જોડાયા હતા. જેમાં વિજેતા બનનાર સ્પર્ધકોને રાજ્ય સરકાર તરફથી રોકડ પુરસ્કાર,ટ્રોફી અને મેરીટ પ્રમાણપત્ર આપવામાં આવ્યા હતા. આ સ્પર્ધામાં પ્રથમ ક્રમાંક મેળવનારને 50 હજાર, દ્વિતીય ક્રમાંક મેળવનારને 25 હજાર અને તૃતીય ક્રમાંકે આવનારે 12 હજારનુ રોકડ પુરસ્કાર અપાયુ હતુ.

ગીરનાર આરોહણ-અવરોહણ સ્પર્ધામાં   સીનીયર  બોયઝની સ્પર્ધામાં પરમાર લાલભાઈએ 53 મિનીટ 30 સેકંડમાં ટાર્ગેટ પૂરો કરેલો હતો. તથા સિનિયર ગર્લ્સની સ્પર્ધામાં ઉત્તરપ્રદેશની તામસી સિંઘે 32 મિનીટ 15 સેંકડમાં ટાર્ગેટ પુર્ણ કર્યો હતો. આ સિવાય જુનિયર બોઈઝમાં ગુજરાતના દિપકભાઈ તથા જુનિયર ગર્લ્સમાં હરિયાણાની સીંધુ ઋતુરાજે પ્રથમ ક્રમાંક હાંસીલ કર્યો હતો.

ગુજરાતભરમાં વર્સ્સો પૂર્વે એક વર્તમાન દૈનિક પત્રકે શરુ કરેલી જૂનાગઢની ગીરનાર-આરોહણ -અવરોહણ સ્પર્ધા છેલ્લા 14 વર્ષથી ગુજરાત સરકાર યોજી રહી છે. ગણતરીની સેકન્ડ્સ માં ગિરનારના  પગથીયા ચઢી-ઉતરીને વિજેતા થવું એ કઈ ખાવાના ખેલ નથી. આમ છતાયે આજે એક સેકન્ડ બાકી રાખીને પૂર્વ વિજેતા કાનજી ભાલીયાનો રેકર્ડ તૂટ્યો છે. આજની બોયઝ સ્પર્ધાના વિજેતા  પરમાર લાલભાઈએ 53 મિનીટ 30 સેકંડમાં જ ગીરનાર આરોહણ-અવરોહણ કરીને કાનજી ભાલીયાના 54 મિનીટ્સના રેકર્ડને તોડ્યો હતો.

આવું શારીરિક કૌવત ધરાવતા યુવાઓને તૈયાર કરવા રાજ્ય સરકારે કોઈમ પ્રોત્સાહક નીતિ રાખીને પોલીસ સેવા કે અન્ય વિભાગમાં તેઓને પ્રશિક્ષિત કરી સમાવવા જોઈએ અથવા એથ્લીટ વિભાગમાં સમાવેશ કરવો જોઈએ જેથી યુવાઓને રમત-ગમત પ્રત્યે આકર્ષી શકાય કે પ્રોત્સાહિત કરી શકાય. માત્ર ગીરનાર જ શું કામ,પાલીતાણા, પાવાગઢ જેવા ડુંગર કે સાગર કાંઠા પરિભ્રમણ, અથવા તો જંગલ પરિભ્રમણ જેવી પ્રોત્સાહક સ્પર્ધાઓનું પણ આયોજન કરવું જોઈએ.