BSE સેન્સેક્સ આજે 335 પોઈન્ટના ઉછાળા સાથે 60,628.05 પર ખુલ્યો હતો.સવારે 9.55 વાગ્યાની આસપાસ 365 પોઈન્ટના ઉછાળા સાથે 60,649.32 ની ઓલટાઈમ હાઈ પર પહોંચી ગયો હતો.
BSE સેન્સેક્સ અત્યાર સુધીના ઓલટાઈમ રેકોર્ડ હાઈ પર પહોંચ્યો
નિફ્ટીએ પણ આજે 18 હજારની સપાટી વટાવી
ટાટા મોટર્સના શેરમાં 19% નો ઉછાળો
BSE સેન્સેક્સ ઓલટાઈમ રેકોર્ડ હાઈ પર પહોંચ્યો
ભારતીય શેર બજારમાં આજે ઉંચાઈઓનો નવો રેકોર્ડ કાયમ કર્યો છે. બીએસઈ સેન્સેક્સ આજે 335 આંકના ઉછાળા સાથે 60,628.05 પર ખુલ્યો હતો અને સવારે 9.55 કલાકની આસપાસ 365ના અંકોના ઉછાળા સાથે અત્યાર સુધી ઓલટાઇમ રેકોર્ડ હાઇ 60,649.32 પર પહોંચ્યો.
નિફ્ટીએ પણ આજે 18 હજારની સપાટી વટાવી
નિફ્ટી પણ આજે 18 હજારથી ઉપર છે અને તેણે વિક્રમી ઉંચાઈ મેળવી છે. ટાટા મોટર્સના શેરમાં આજે લગભગ 19 ટકાનો ઉછાળો આવ્યો છે. નેશનલ સ્ટોક એક્સચેન્જ (NSE) નો નિફ્ટી 106 પોઈન્ટના વધારા સાથે 18,097.85 પર ખુલ્યો અને ટ્રેડિંગ દરમિયાન વધીને 18,128.70 થયો. આ નિફ્ટીની ઐતિહાસિક ઉંચી સપાટી છે. તમામ ક્ષેત્રીય સૂચકાંકો લીલા રંગમાં જોવા મળી રહ્યા છે અને ઓટો ઇન્ડેક્સ 3 ટકા વધ્યો છે. પ્રારંભિક વેપારમાં, એનએસઈએ લગભગ 1480 શેરમાં વધારો અને 407 શેરમાં ઘટાડો જોયો.
ટાટા મોટર્સના શેરમાં 19% નો ઉછાળો
સેન્સેક્સના ઉછાળા સાથે ટાટા મોટર્સનો શેર આજે લગભગ 19% ના ઉછાળા સાથે રૂ .502.00 સુધી પહોંચી ગયો છે. ટાટા મોટર્સે મંગળવારે ખાનગી ઇક્વિટી કંપની TPG દ્વારા તેની નવી ઇલેક્ટ્રિક વાહન પેટાકંપનીમાં રૂ .7,500 કરોડના રોકાણની જાહેરાત કરી છે. આ રોકાણ 18 મહિનાના સમયગાળામાં કરવામાં આવેલા કેટલાક રાઉન્ડમાં કરવામાં આવશે. તેના કારણે આજે ટાટા મોટર્સના શેરમાં ઉછાળો આવ્યો હતો.
INFOSYS અને WIPRO નું પરિણામ આજે
આજે IT ક્ષેત્રની બે દિગ્ગજ સંસ્થાઓ INFOSYS અને WIPRO ના ત્રિમાસિક પરિણામો આવવાના છે. આજે તેમના શેરમાં મુવમેન્ટ જોવા મળી શકે છે.વિપ્રો લગભગ 1 ટકા વધીને આજે 665.40 પર પહોંચી ગયો. એ જ રીતે, ઇન્ફોસિસનો સ્ટોક પણ લગભગ 0.75 ટકા વધીને 1697.15 થયો છે.
રિલાયન્સના શેરમાં પણ ઉછાળ જોવા મળ્યો
આજે રિલાયન્સ ઇન્ડસ્ટ્રીઝ (RIL) નો સ્ટોક પ્રારંભિક વેપારમાં લગભગ 1 ટકા વધીને 2688 રૂપિયા થયો હતો. રિલાયન્સે મંગળવારે બે મહત્વના સોદાની જાહેરાત કરી હતી.રિલાયન્સે સેમીકન્ડક્ટર્સથી લઈને નવી ટેકનોલોજીમાં રોકાણ માટે બે મહત્વના સોદા કર્યા છે. રિલાયન્સ ઇન્ડસ્ટ્રીઝે જર્મનીની સેમિકન્ડક્ટર ચિપ ઉત્પાદક નેક્સવાફેમાં રોકાણનો સોદો કર્યો છે. આ સિવાય રિલાયન્સે હાઇડ્રોજન ઇલેક્ટ્રોલાઇઝર્સ બનાવતી કંપની સ્ટેસ્ડલ એ/એસ સાથે પણ સોદો કર્યો છે.