કોરોના સંકટ / સૌરાષ્ટ્રમાં કોરોનાનું બિહામણું સ્વરૂપ : રાજકોટમાં એક જ દિવસમાં 1336 નવા કેસ નોધાયા 

• સૌરાષ્ટ્ર અને રાજકોટમાં કોરોનાનો કહેર યથાવત
• એક જ દિ'માં રેકોર્ડબ્રેક કેસ નોંધાતાં આરોગ્ય વિભાગમાં હડકંપ 
• કેસ વધતા ટેસ્ટિંગમાં પણ વધારો થયો 

સૌરાષ્ટ્રમાં સતત વધી રહ્યાં છે કોરોનાના કેસ 

સૌરાષ્ટ્ર અને ગુજરાતમાં આગની જેમ ફેલાઈ રહેલા કોરોનાનાં સંક્રમણને અટકાવવામાં  તંત્ર નિષ્ફળ રહયુ છે. સૌરાષ્ટ્રનાં દરેક જિલ્લામાં કેસમાં ચિંતાજનક હદે કેસ વધી રહયા છે. રાજકોટ શહેર - ગ્રામ્યમાં  1336 કેસ સહિત સૌરાષ્ટ્રમાં 3037  સુધી પોઝીટીવ કેસનો આંક પહોંચ્યો છે જે બીજી લહેર શાંત થયા બાદનો સર્વાધિક આંકડો છે. જો કે રસીને કારણે ગંભીર લક્ષણો જોવા મળતા નથી અને હોમ આઈસોલેશનમાં 90 ટકા લોકો સારવાર લઈ રહયા છે તે સૌથી મોટી રાહત છે. 
 
 

રાજકોટમાં કોરોનાનો કહેર યથાવત 

રાજકોટમાં પણ છેલ્લા 24 કલાકમાં કોરોના વિસ્ફોટ થયો હોય તેમ એક જ દિવસમાં 1336 પોઝિટિવ કેસ નોંધાયા છે. ઉલ્લેખનીય છે કે, બીજી લહેર પીક પર હતી ત્યારે પણ એક દિવસમાં સૌથી વધુ 764 પોઝિટિવ કેસ ચોપડે નોંધાયા હતાં. જો કે હાલ તેના કરતા બમણા જેટલા કેસો સરકારી ચોપડે નોંધાઈ રહ્યાં છે. બીજી તરફ કોરોનાના ડરને લઇ લોકો ટેસ્ટિંગ કરાવી રહ્યાં છે. જેને લઈને કેસ વધતા ટેસ્ટિંગમાં પણ વધારો થયો 
 
સૌરાષ્ટ્રમાં છેલ્લા 24 કલાકમાં કોરોનાની સ્થિતી

રાજકોટ શહેર અને જિલ્લામાં 1336 કેસ  
મોરબી 318 કેસ
જૂનાગઢ 131 કેસ 
અમરેલી 76 કેસ 
પોરબંદર 30 કેસ  
ગીર સોમનાથ  42 કેસ