આગાહી / ઉત્તર ભારતમાં ઠંડીના ચમકારા સાથે કેટલાક વિસ્તારોમાં વરસાદની આગાહી, પવનના સુસવાટાથી લોકો ઠુંઠવાયા, જાણો એલર્ટ

• દિલ્હીમાં ઠંડીનો ડબલ ખતરો
• રેકોર્ડબ્રેક ઠંડી વચ્ચે વરસાદની આગાહી
• અગામી બે દિવસ દિલ્હીમાં વરસાદની આગાહી

કાતિલ ઠંડીને પગલે દિલ્હી-એનસીઆરમાં હાલ કોલ્ડવેવ કહેર મચાવી રહ્યું છે. ઠંડી ને પગલે છેલ્લા ઘણા વર્ષોનો રેકોર્ડ તૂટી ગયો છે. તેવામાં હવે અમુક વિસ્તારોમાં વરસાદ ત્રાટકે તેવી સંભાવના ઉભી થઇ છે. જેમાં હરિયાણા અને યુપીના કેટલાક વિસ્તારોમાં હળવો વરસાદ પાડવા અંગેની હવામાન વિભાગ દ્વારા આગાહી કરાઈ છે.જેમાં રાજધાની દિલ્હીમાં પણ વરસાદ પડે તેવી શકયતા સેવાઇ રહી છે.

હવામાન વિભાગે આગાહી કરી કે..
હવામાન વિભાગ દ્વારા જણાવ્યા મુજ  કરનાલ, પાનીપત, દેવબંદ, નજીબાબાદ, શામલી, મુઝફ્ફરનગર, કંધાલા, બિજનૌર, ખતૌલી, સકોટી ટાંડા, હસ્તિનાપુર, ચાંદપુર, દૌરાલા, મેરઠ સહિતના વિસ્તારોમાં મધ્યમ વરસાદ પડી શકે છે. તો બીજી બાજુ વેસ્ટર્ન ડિસ્ટર્બન્સના કારણે દિલ્હીમા હવામાન પણ બદલાયું છે આને હળવા છાંટા પણ પડી રહ્યા છે.કેટલાક વિસ્તારોમાં થતા આ વરસાદને પગલે ઠંડીમાં ઉછાળો આવશે. બીજી બાજુ હાલ યુપી તથા ઉત્તર ભારતના અનેક શહેરો ઠંડીની ઝપટમાં છે જેના પરિણામે લોકોને બહાર નીકળવું પણ મુશ્કેલ બન્યું છે.

ટ્રેન અને વિમાનના પ. શેડ્યુલ બદલાય

હાલ હરિયાણા, દિલ્હી, ઉત્તર પ્રદેશ, બિહાર, મધ્યપ્રદેશ, તેલંગાણા, છત્તીસગઢ અને આંધ્રપ્રદેશમાં લઘુત્તમ તાપમાનના પારામાં 2 થી 3 ડિગ્રીનો વધારો નોંધાયો છે, પરિણામે અમુક જગ્યાએ ઠંડીનું જોર પણ ઘટી ગયું છે. આવી સ્થિતિ વચ્ચે આસામ, મેઘાલય અને ત્રિપુરાના કેટલાક વિસ્તારોમાં ગાઢ ધુમ્મસ છવાઈ છે. ઉપરાંત દિલ્હી સહિત ઉત્તર ભારતના મેદાની વિસ્તારોને આગામી ચાર દિવસ સુધી શીત લહેરથી રાહત મળશે. તેવું પણ હવામાન વિભાગ દ્વારા જણાવ્યું છે.પરંતુ IMD ના જણાવ્યા પ્રમાણે આગમી દિવસોમાં ન્યુનતમ તાપમાન 8 ડીગ્રી અને મહત્તમ તાપમાંન 20 ડીગ્રી સુધી જઇ શકે છે.વધુમાં દિલ્હીમાં ઠંડી સાથે ધુમ્મસનું પણ વાતાવરણ સર્જાયું હોવાથી ટ્રેન અને વિમાનના શેડ્યુલ પણ લેટ કરાયા છે.