ભારતમાં કોરોના વાયરસનું સંક્રમણ સતત વધી રહ્યું છે. ત્યારે દેશમાં પ્રથમ વાર 60 હજારથી વધુ કેસ નોંધાયા છે. ભારતમાં 62 હજાર 170 નવા કેસ નોંધાતા ખળભળાટ મચી ગયો છે. આ એક દિવસમાં નોંધાયેલા કેસ વિશ્વમાં સૌથી વધારે છે. પહેલી વાર કોઈ દેશમાં એક સાથે આટલા બધા કેસ એક દિવસમાં નોધાયા છે.
પ્રથમ વાર દેશમાં 60 હજારથી વધુ કેસ નોંધાયા
ભારતમાં 62 હજાર 170 નવા કેસ નોંધાયા
6 ઓગસ્ટે દેશમાં વિશ્વના સૌથી વધુ કેસ નોંધાયા
હવે દર બે દિવસે ભારતમાં 1 લાખથી વધુ કેસ નોંધાય છે
6 ઓગસ્ટે દેશમાં વિશ્વના સૌથી વધુ કેસ નોંધાયા છે. ભારતમાં 62 હજાર 170 નવા કેસ નોંધાયા છે. હવે દર બે દિવસે ભારતમાં 1 લાખથી વધુ કેસ નોંધાય છે. દેશમાં એક જ દિવસમાં 899 લોકોના મૃત્યું થયા છે.
મહારાષ્ટ્રમાં પ્રથમવાર એક દિવસમાં 11 હજાર 514 કેસ નોંધાયા છે. જ્યારે આંધ્રપ્રદેશમાં 10 હજાર 328 નવા કેસ નોંધાયા છે. કર્ણાટકમાં 6805 અને તમિલનાડુમાં 5684 નવા કેસ સામે આવ્યા છે. ઉત્તર પ્રદેશમાં 4586 અને બિહારમાં 3416 નવા કેસ નોંધાયા છે. પ.બંગાળમાં 2954, આસામમાં 2372 અને તેલંગાણામાં 2092 નવા કેસ સામે આવ્યા છે. ત્યારે દિલ્હીમાં કોરોનાના નવા 1299 કેસ આવ્યા છે.
જો વિશ્વમાં કોરોના વાયરસની વાત કરીએ તો કોરોનાનો કહેર યથાવત છે. હાલ વિશ્વમાં કોરોનાના નવા 2 લાખ 72 હજાર 204 કેસ આવ્યા છે. કોરોનાથી એક જ દિવસમાં વિશ્વમાં 6 હજાર 259ના મૃત્યુ થયા છે. વિશ્વમાં કોરોનાના કુલ 1 કરોડ 92 લાખ 37 હજાર 966 કેસ છે. કોરોનાથી વિશ્વમાં કુલ 7 લાખ 16 હજાર 547 લોકોના મૃત્યુ થયા છે.
એક જ દિવસમાં ભારતમાં વિશ્વના સૌથી વધુ 62 હજાર 170 નવા કેસ નોંધાયા છે. બીજા નંબરે અમેરિકામાં 58 હજાર 556 કેસ નોંધાયા. બ્રાઝિલમાં એક દિવસમાં 54 હજાર 801 કેસ નોંધાયા છે. કોલંબિયામાં 11 હજાર 996 નવા કેસ નોંધાયા છે. સાઉથ આફ્રિકામાં 8307 અને આર્જેન્ટિનામાં 7513 નવા કેસ આવ્યા છે. મેક્સિકોમાં 6139 અને રશિયામાં 5267 નવા કેસ નોંધાયા છે.
સારી વાત એ છે કે સ્પેન, ચિલી,ઈરાન, ઈટલી, તુર્કી, ફ્રાંસ, જર્મનીમાં સંક્રમણ ઘટ્યું છે. આ તમામ દેશમાં દૈનિક 500થી 2 હજાર કેસ નોંધાઈ રહ્યા છે.