હવામાનમાં પલટો / ઉત્તરભારતમાં ડિસેમ્બરમાં ઠંડીએ તોડ્યો રેકોર્ડ, પાકને મોટું નુકસાન અને 6 લોકોના મોત

• હિમવર્ષાથી ઉત્તરભારત થીજ્યું
• જમ્મૂ-કાશ્મીરના ડુંડામાં ભારે હિમવર્ષા
• હિમવર્ષાને કારણે જનજીવન પ્રભાવિત

પહાડો પર હિમવર્ષા થવાના કારણે પર્યટકોમાં આનંદની લહેર જોવા મળી હતી તો સાથે જ અનેક લોકોએ મુશ્કેલીનો પણ સામનો કરવો પડ્યો હતો. ઉત્તરકાશી, દહેરાદૂન, પિથૌરાગઢ અને હરિદ્વારના અનેક જિલ્લામાં વરસાદ અને બરફવર્ષા થઈ હતી. આંગણવાડી, શાળા, સરકારી શાળામાં પણ શનિવારે રજા આપવામાં આવી છે. ગંગોત્રી યમુનોત્રી હાઈવે સિવાય 10 સંપર્ક માર્ગ બંધ કરવામાં આવ્યા છે. 

Jammu and Kashmir: Upper reaches of Doda received fresh snowfall. (13.12.19) pic.twitter.com/0sz4wzg29d

— ANI (@ANI) December 14, 2019

હિમવર્ષાએ સર્જી મુશ્કેલી

ઉત્તરાખંડના ઉચ્ચ હિમાલયના ચારધામ સિવાય મસૂરી, નૈનિતાલ, મુક્તેશ્વર, ઔલી, પૌડી, ઉત્તરકાશી, ટિહરી સહિત અનેક પર્યટન સ્થળોમાં બરફવર્ષા થઈ હોવાના કારણે લોકોની મુશ્કેલીઓ વધી રહી છે. ઉત્તરાખંડમાં હિમવર્ષાના કારણે 6 લોકોના મોત નીપજ્યા છે.

Himachal Pradesh: Heavy snowfall in Sissu area of Lahaul-Spiti district. (13.12.19) pic.twitter.com/EPbTMROjx9

— ANI (@ANI) December 13, 2019

હાઈવે અને વીજળી થયા ઠપ્પ

ગંગોત્રી યમુનોત્રી હાઈવે સિવાય 10 સંપર્ક માર્ગ બંધ કરવામાં આવ્યા છે. સડક બંધ હોવાના કારણે અને સાથે જ વીળી પણ ગુલ થવાના કારણે લોકો હેરાન છે. વીજળીના વિકલ્પમાં સીમાંત લોકો કેરોસીનનો પણ ઉપયોગ કરી શક્યા નથી. તેઓ અંધારામાં રાત પસાર કરવા માટે મજબૂર છે. ઉલ્લેખનીય છે કે ગંગા અને યમુના ઘાટીના 55 ગામમાં વીજળી બંધ છે. 

ઠંડીએ તોડ્યો 19 વર્ષનો રેકોર્ડ

બુંદેલખંડ સહિત સેન્ટ્રલ યૂપીના અનેક જિલ્લામાં ઠંડા પવનો અને વરસાદની સાથે ઓલા પડતાં વાતાવરણ બદલાઈ ગયું હતું. કાનપુરમાં 2 દિવસથી પડી રહેલી ઠંડીએ 19 વર્ષનો રેકોર્ડ તોડ્યો છે. 2000 પછી આ પહેલી વાર ડિસેમ્બર મહિનામાં તાપમાન 18.4 ડિગ્રી સેલ્સિયસ રહ્યું હતું.  મેરઠમાં પણ ઠંડીએ 22 વર્ષનો રેકોર્ડ તોડયો છે. અહીં શુક્રવારે સાંજે લગભગ 41 મિમિ. વરસાદ નોંધાયો હતો. મુરાદાબાદમાં 3 જગ્યાઓએ વીજળી પડવાના બનાવ પણ બન્યા હતા.