અભિનેતા રિશી કપૂર સોશિયલ મીડિયા પર ખૂબ જ એક્ટિવ રહે છે. છેલ્લા કેટલાક દિવસોથી તેઓ ઘણા કલાકારોની જૂની તસવીરો શેર કરી રહ્યા છે. હવે તેમણે એક તસવીર શેર કરી છે જેને ઓળખવી તમારા માટે મુશ્કેલ છે.
રિશી કપૂર આજે સોશિયલ મીડિયા પર પોતાના ચાહકોને નવી સરપ્રાઈઝ આપી રહ્યા છે. પૃથ્વીરાજ કપૂર, દિલીપકુમાર, મધુબાલાની થ્રોબેક તસવીરો શેર કર્યા પછી તેણે બીજી એક તસવીર શેર કરી છે. આ તસવીર બોલિવૂડના એક અભિનેતાની ક્યારેય ન જોઈ હોય તેવી તસ્વીર છે જેને ઓળખવી ખૂબ મુશ્કેલ છે.
તેમણે આ તસવીરમાં અભિનેતાની ઓળખ જાહેર કરી ન હતી અને તેમના ફેન્સને તસ્વીરમાં દેખાતા વ્યક્તિનું નામ જણાવવાનું કહ્યું હતું. આ તસવીરમાં સાડી પહેરેલી એક સુંદર મહિલા જોવા મળી રહી છે.
Need you to tell me who this person is? If someone already knows the answer through a different source, please refrain from disclosing. Let’s not spoil the suspense for others. Thank you. I give you 10/20/50 guesses. Answer coming soon!! pic.twitter.com/L1ilXZFmxc
રિશીએ લખ્યું છે, તમારે કહેવું પડશે કે આ વ્યક્તિ કોણ છે? જો જવાબ પહેલાથી કોઈને ખબર હોય, તો કૃપા કરીને તેને જણાવવાનું ટાળો. બીજાના સસ્પેન્સને બગાડશો નહીં. હું તમને 10/20/50 અનુમાન લગાવવાની તક આપું છું. તમને જલ્દી જ જવાબ મળી જશે.
ઓળખી ગયા ફેન્સ
જો કે આ કોની તસ્વીર છે તેવું તેઓ કહે તે પહેલાં જ ચાહકોએ અભિનેતાને ઓળખી લીધા કે આ પ્રાણ છે. પ્રાણના આ ગેટઅપ વિશે એક યુઝરે ડિટેલ્સ પણ આપી. પ્રશ્નનો જવાબ આપતા તેણે લખ્યું, 'આ પ્રાણ છે, તે સમયે તેમના લગ્ન નહોતા થયા. મોટા ભાઈના લગ્નમાં, તેમણે તેમની નવી ભાભીની મજાક ઉડાવવા માટે તેમની ભાઇની પ્રેમિકા તરીકે આ ગેટઅપ બનાવ્યો. પ્રાણ શિમલાની સ્થાનિક રામલીલામાં સીતાની ભૂમિકા પણ ભજવતા હતા. જો તમે ચિત્રને ધ્યાનથી જોશો તો તમે તેમાં કુમારી પ્રાણ એમ લખેલું જોશો.
60 વર્ષની લાંબી કારકિર્દી ભોગવી હતી પ્રાણે
પ્રાણે હિન્દી સિનેમામાં લગભગ 6 દાયકા સુધી કામ કર્યું છે. તેમને ઘણા મોટા એવોર્ડ મળ્યા છે. બોલિવૂડની ઘણી હિટ ફિલ્મોમાં પણ તેમના વિલન તરીકેના પાત્રો યાદ કરવામાં આવે છે. 2013માં તેમણે આ દુનિયાને અલવિદા કહી દીધી હતી.