સામાન્ય રીતે ઉત્તરાયણમાં લોકો તલ-શિંગની ચીકી અને મમરાથી બનાવેલા લાડુ ખાતા હોય છે. પરંતુ આ વખતે અમે તમને જણાવી રહ્યા છે રાજગરાના લાડુની રેસીપી. જે ચીકી કરતાં પણ વધારે સ્વાદિષ્ટ લાગે છે.
રાજગરાનો સામાન્ય રીતે ઉપયોગ ઉપવાસમાં ફરાળ તરીકે થાય છે. રાજગરા માં આયર્ન અને ફાઈબરથી ભરપૂર હોય છે જે શરીરના પાચન માટે સારી માનવામાં આવે છે. જગરાને ઠંડીમાં ખાવો ખૂબ ફાયદાકારક છે. તો ચાલો આજે અમે તમને જણાવીએ કેવી રીતે બનાવશો આ લાડુ.
બનાવવાની રીત: કાજુના નાના ટુકડાઓ કરી લેવાના. હવે ગેસ પર ધીમી આંચે એક કઢાઈ મૂકો. હવે રાજગરો ફુલશે અને તેની ધાણી થશે. એ ધાણીને એક ચારણીથી ચાળી લેવાની. ત્યારબાદ બીજા વાસણમાં કાઢીને મૂકી સાઇડ પર મૂકી દો.
જ્યારે રાજગરાની ધાણી બનાવો ત્યારે ગેસ એકદમ ધીમો રાખવો અને સતત હલાવતા જવાનું છે. નહીંતર તળિયે રાજગરો બળી જશે.
જ્યારે ગોળનો પાયો બની જાય અને ગોળનો કલર બદલાઈ જાય ત્યારે એમાં રાજગરાની બનાવેલ ધાણી અને કાજુના કટકા નાખીને હલાવો.
ગોળ અને રાજગરો સારી રીતે મિક્સ થઈ જાય એટ્લે તેને એક વાસણમાં કાઢી લો. હવે હાથને તેલ વાળા કરીને નાની નાની લાડુડી બનાવી એમાં વચ્ચે એક દ્રાક્ષ મૂકવી. આમ બધા લાડુ વાળી લો એટલે ઠંડા થાય પછી એક ડબ્બામાં ભરી સ્ટોર કરો. આ રીતે તૈયાર છે રાજગરાના લાડુ.