ભૂંગળા બટાકા આમ તો ભાવનગર, જામનગર, રાજકોટ વગેરે શહેરોમાં ખાસ જોવા મળે છે, પરંતુ હવે તો ભૂંગળા બટાકા બધી જગ્યાએ જોવા મળે છે. ઘરે બનાવો માર્કેટ જેવા જ ભૂંગળા બટાકા.
રીત
સુકા લાલ મરચાને 2 ચમચા પાણીમાં 10 મિનિટ પલાળી લો. બટાકાને બાફી લો. બાફતી વખતે થોડુ મીઠુ ઉમેરવું જેથી સ્વાદ વધશે. આદુ, લસણ, પલાળેલા મરચા, ટામેટા, ધાણાજીરૂ, હળદર અને મીઠુ એકસાથે મિક્સ કરી મિક્સરમાં ક્રશ કરી લો.
એક પેનમાં એક ચમચો તેલ ગરમ કરી તેમાં બાફેલા બટાકાને 2 મિનીટ મધ્યમ તાપે સાંતળી લો. હવે તેને એક પ્લેટમાં કાઢી લો. કડાઈમાં 4 ચમચા તેલ ગરમ કરી તેમાં ડુંગળી ઉમેરીને સાંતળો. ડુંગળી બ્રાઉન થઈ જાય એટલે તેમાં ટામેટા અને લસણની પેસ્ટ ઉમેરો અને તેમાંથી તેલ છૂટે એટલે તેમાં લાલ મરચુ પાઉડર ઉમેરો પછી તેમાં સાંતળેલા બટાકા મિક્સ કરીને 3-4 મિનિટ ચઢવો. ગેસ બંધ કરી તેને ઉતારી લો અને કોથમીરથી ગાર્નિશ કરો. ભૂંગળા તળીને બટાકા સાથે મજા લો.