તમે રોજના એકસરખા શાકથી કંટાળી ગયા છો તો તમે તેમાં વિવિધતા લાવવાની કોશિશ કરી શકો છો. તો તૈયારી કરી લો સિઝનલ મકાઈના આ નવા અને ટેસ્ટી શાક બનાવવાની.
ઘરે જ બનાવી લો નવીન શાક
મકાઈનું આ શાક આપશે કમાલનો ટેસ્ટ
વધી જશે તમારી થાળીનો સ્વાદ
જો તમે મકાઈની ખીચડી કે ભજિયાથી બોર થઈ ચૂક્યા છો તો તમે તમારા ડિનરમાં ખાસ કરીને મકાઈના અલગ અલગ શાક પ્લાન કરી શકો છો. હાલમાં મકાઈ માર્કેટમાં સરળતાથી મળી રહે છે. તો તમે તેને લાવીને આ ખાસ ટેસ્ટી શાક ઘરે બનાવી લો. તેની સાથે પનીરનો ઉપયોગ થતો હોવાથી હેલ્થની રીતે પણ તે બેસ્ટ બની જાય છે અને સાથે દેખાવમાં પણ એક અલગ લૂક હોવાથી થાળીને પણ સુંદર બનાવે છે. તો ફટાફટ નોંધી લો રેસિપિ.
કડાહી બેબી કોર્ન પનીર
સામગ્રી
- અઢીસો ગ્રામ પનીર
- દસ નંગ બેબી કોર્ન
- બે નંગ ડુંગળી
- ત્રણ શિમલા મરચાં
- ત્રણ ટામેટા
- બે ટીસ્પૂન માખણ
- અડધી ટીસ્પૂન હળદર
- ત્રણ ટીસ્પૂન લાલમરચું
- બે ટીસ્પૂન ધાણાજીરું
- એક ટીસ્પૂન કસૂરી મેથી
- બે ટીસ્પૂન કોથમીર
- સ્વાદ અનુસાર મીઠું
રીત
પનીરને નાના અને ચોરસ ટુકડામાં કાપી લો અને સાથે બેબીકોર્નના પાતળા સ્લાઇસ કરો. ડુંગળીને છોલી લો અને સાથે મોટા ટુકડામાં કાપો. શિમલા મરચાં- ટામેટા અને મરચાંના બીજ કાઢીને તેના પણ મિડિયમ સાઇઝના ચોરસ ટુકડા કરો. તેલ કે માખણને ગરમ કરો અને સાથે તેને ફાસ્ટ ગેસ પર નરમ થાય ત્યાં સુધી શેકો. બેબી કોર્ન, શિમલા મરચાં, ટામેટા, હળદર, લાલ મરચું, કસૂરી મેથી અને મીઠું મિક્સ કરીને શાકને ચઢવા દો. પનીરના ટુકડા મિક્સ કરો અને તેને તળી લો. તેમાં થોડું પાણી મિક્સ કરો અને સાથે પાંચ મિનિટ રહેવા દો. ગરમાગરમ શાક તૈયાર છે. સુધારેલી કોથમીરની સાથે સર્વ કરો.