રેસિપી / આ ગણેશ ચતુર્થીએ ભગવાનને પ્રિય એવા ખાસ લાડુનો ચઢાવો ભોગ, પૂરી થશે મનોકામના

ઘરે બનાવેલા બેસનના લાડુનો સ્વાદ અનેરો હોય છે. હેલ્ધી અને સ્વાદિષ્ટ એવા આ ખાસ લાડુ ગણેશજીને પણ પ્રિય છે. તો આજે પ્રસાદ માટે તમે પણ ફટાફટ કરી લો આ તૈયારીઓ અને બનાવી લો ઘરે જ.

બેસનના લાડુ
 
સામગ્રી
 
-1 કપ કકરો બેસનનો લોટ
-4 થી 5 મોટી ચમચી ઘી
-1 કપ દળેલી ખાંડ
-1 ચમચી વાટેલી ઈલાયચી
-ડ્રાયફ્રૂટ્સ અંદાજે
-ચાંદીની વરખ

 
રીત
 
સૌપ્રથમ એક કપ કકરા બેસનને શેકો, એટલે કે બે મિનિટ માઈક્રો કરો. હવે ચારથી પાંચ ચમચી ઘી નાખો અને સતત ચલાવતા રહો. બેસન જ્યાં સુધી એ સોનેરી રંગનું ન થઈ જાય. ત્યં સુધી શેકો. બેસન બળે નહી તેનું ધ્યાન રાખજો. તેને સાતથી આઠ મિનિટ માઈક્રો કરો. માઈક્રોવેવનો ઉપયોગ તમે માત્ર બેસન શેકવા માટે જ કરો. બેસન બહાર કાઢી ઠંડુ કરો. ઘી અને ખાંડ તમે ઓછુ વત્તા કરી શકો છો. હવે દળેલી ખાંડ એક કપ, 1 ચમચી દળેલી ઈલાયચી અને ડ્રાયફ્રૂટ્સ નાખીને વચ્ચે બાઉલમાં નાખી હલાવતા રહો. જ્યારે ઠંડુ થાય ત્યારે તેના નાના-નાના લાડુ બનાવી લો અને ચાંદીની વરખ લગાવી સર્વ કરો.