અત્યારે નાની ઉંમરમાં જ સફેદ વાળ અને વાળની અનેક સમસ્યાઓ થવા લાગી છે. જેની પાછળ આમ તો ઘણાં કારણો જવાબદાર હોય છે પણ અમે તમને કેટલાક ખાસ કારણો જણાવી રહ્યાં છે.
અત્યારે નાની ઉંમરમાં જ સફેદ વાળ થવા લાગે છે
આ કારણોથી વાળ સફેદ થવા લાગે છે
વાળની સમસ્યાઓ પાછળનું મૂળ કારણ જાણવું જરૂરી છે
એક સમયે સફેદ વાળ મોટી ઉંમરમાં જ જોવા મળતાં હતા પણ હવે એવું નથી. આજકાલનો નાની ઉંમરમાં જ લોકોના વાળ સફેદ થઈ જતાં હોય છે. એમાંય ખાસ કરીને ભારતમાં નાની ઉંમરમાં સફેદ વાળ થવાની સમસ્યા ઝડપથી વધી રકહી છે. વાળનો રંગ જાળવી રાખવાનું કામ મેલેનિન નામનું પિગમેન્ટ કરે છે. વાળમાં મેલેનિનનું સ્તર જેટલું વધારે હોય છે વાળનો રંગ એટલો જ કાળો હોય છે. ઉંમર પ્રમાણે મેલેનિન વધુ કે ઓછું હોય છે પણ મોટાભાગે સમય પહેલાં પણ આવું થઈ શકે છે.
સમય પહેલાં કેમ સફેદ થાય છે વાળ?
ઘણાં કિસ્સામાં વાળ સફેદ થવા પાછળ આનુવંશિક કારણ હોય છે. જેના માટે માતા-પિતા અને પૂર્વજોને દોષ અપાય છે, જ્યારે વાળ આનુવંશિક કારણોથી સફેદ થઈ રહ્યા હોય તો એવી સ્થિતિમાં વધુ કંઈ કરી શકાતું નથીં. તમે ગમે તે કરી લો પણ વાળ સફેદ થઈ જ જાય છે.
વિટામિન અને મિનરલ્સની કમી
શરીરમાં ઝિંક, કોપર, વિટામિન બી વગેરેની કમીને કારણે પણ સમય પહેલાં વાળ સફેદ થઈ જાય છે. એક સંતુલિત ડાયટ અને યોગ્ય માત્રામાં સપ્લીમેન્ટ્સ લેવાથી તેને રોકી શકાય છે. જેથી તમારી ડાયટમાં પ્રોટીનને સામેલ કરો કારણ કે વાળ મૂળ રીતે પ્રોટીનથી જ બનેલા હોય છે.
સ્ટ્રેસ અને ડિપ્રેશન
વાળ સમય પહેલાં સફેદ થવાનું એક મોટું કારણ તણાવ પણ છે. એવું એટલે થાય છે જ્યારે તમે વધુ પ્રમાણમાં તણાવગ્રસ્થ રહો છો. તેનાથી સ્વાસ્થ્ય પર પણ ગંભીર અસર થાય છે. તણાવ દૂર રાખવા માટે મેડિટેશન કરવું જોઈએ. કામની વચ્ચે નાના-નાના બ્રેક લેવા જોઈએ. પ્રાણાયામ કરવા જોઈએ અને માથાની માલિશ કરાવવી જોઈએ.
ધૂમ્રપાન પણ એક મોટું કારણ
ધૂમ્રપાનની આદત તમારા વાળ સફેદ કરવા પાછળનું એક અગત્યનું કારણ હોઈ શકે છે. જેથી આ આદત છોડી દેવામાં જ ભલાઈ છે. કારણ કે તેનાથી અન્ય પણ ઘણી હેલ્થ પ્રોબ્લેમ્સ જન્મે છે.