નવી દિલ્હીઃ ભલે ઠંડી હોય કે ગરમી, શરીરમાં થોડો પરસેવો થવો ખૂબ જ જરૂરી છે. તેનાથી શરીરની અંદરની ગંદકી બહાર નીકળે છે અને શરીરનું તાપમાન પણ નિયંત્રિત રહે છે, પરંતુ જો કોઇ વ્યક્તિને બિલકુલ પરસેવો ન થાય તો આ સ્થિતિ અત્યંત ગંભીર બની શકે છે. આ સ્થિતિને બે ભાગમાં સમજી શકાય છે. 1. એન્હિડ્રોસિસ અને 2. હાઇપોહિડ્રોસિસ. એન્હિડ્રોસિસ એવી સ્થિતિ છે, જેમાં વ્યક્તિને બિલકુલ પરસેવો થતો નથી.
બિલકુલ પરસેવો ન થાય તો ચેતવું
શરીરમાં થોડો પરસેવો થવો ખૂબ જ જરૂરી છે
પરસેવા વાટે શરીરની ગંદકી બહાર નીકળે છે
જ્યારે હાઇપોહિડ્રોસિસની સ્થિતિમાં વ્યક્તિને સામાન્ય કરતા ઓછો પરસેવો થાય છે. જે લોકોને ભારે કામ અને એક્સરસાઇઝ છતાં પણ પરસેવો આવતો નથી તેમાં હિટ સ્ટ્રોકનો ખતરો વધુ રહે છે. વધુ તાપમાન થવાથી તે ગંભીર રૂપ લઇ શકે છે અને મગજની સાથે સાથે શરીરના અન્ય અંગોને પણ ડેમેજ કરે છે. પરસેવો ન આવવો જીવલેણ સાબિત થઇ શકે છે. એન્હિડ્રોસિસથી પીડિત લોકો જો ઉચ્ચ તાપમાનમાં સખત એક્સરસાઇઝ કરે કે વધુ ભારવાળું કામ કરે તો તેમની જિંદગી માટે ખતરો ઊભો થઇ શકે છે. પરસેવો ન આવવાના કારણે હિટ સ્ટ્રોક ઉપરાંત બેભાન થવું કે ચક્કર પણ આવે છે. જો તેની ટ્રીટમેન્ટ ન થાય તો વ્યક્તિ કોમામાં જઇ શકે છે અને મૃત્યુ પણ પામી શકે છે.