સિદ્ઘિ / IND vs WI :  ભારતની નજર વર્લ્ડ ટેસ્ટ ચેમ્પિયનશિપમાં પોઇન્ટની સદી પૂરી કરવા પર

વેસ્ટ ઇન્ડિઝ સામે ટીમ ઇન્ડિયાએ પહેલી ટેસ્ટ જીતી લઈને 60 પોઇન્ટ સાથે પોઇન્ટ ટેબલમાં પહેલા સ્થાન પર છે.

The batsmen test their willow on the eve of the 2nd Test in Jamaica - Lets do this fellas 😎😎 #TeamIndia #WIvIND pic.twitter.com/qpd215CfRf

— BCCI (@BCCI) August 29, 2019

ટીમ ઇન્ડિયા ઉપરાંત શ્રીલંકા અને ન્યૂઝીલેન્ડના પણ 60 પોઇન્ટ જ છે, પરંતુ શ્રીલંકા અને ન્યૂઝીલેન્ડને હવે આગામી ટેસ્ટ મેચ રમવા માટે થોડા દિવસનો સમય બાકી છે. આ ઉપરાંત શ્રીલંકા અને ન્યૂઝીલેન્ડની બે ટેસ્ટ મેચ રમી છે, જ્યારે ટીમ ઇન્ડિયા હજુ એક જ ટેસ્ટ રમી છે. આ સ્થિતિમાં ટીમ ઇન્ડિયા બીજી ટેસ્ટ મેચ જીતીને વર્લ્ડ ટેસ્ટ ચેમ્પિયનશિપમાં પોતાના પોઇન્ટની સંખ્યા બેવડી કરવા આતુર છે.

ICC વર્લ્ડ ટેસ્ટ ચેમ્પિયનશિપમાં કુલ નવ ટીમ સામેલ છે, જેમાંથી છ ટીમ બે કે તેથી વધુ મેચ રમી ચૂકી છે. ઓસ્ટ્રેલિયા અને ઈંગ્લેન્ડની ટીમ ચેમ્પિયનશિપમાં સૌથી વધુ ત્રણ-ત્રણ મેચ રમી છે. ટીમ ઇન્ડિયા અને વેસ્ટ ઇન્ડિઝ ની ટીમ એક-એક મેચ, ન્યૂઝીલેન્ડ-શ્રીલંકાની ટીમ બે-બે મેચ રમી છે. ચેમ્પિયનશિપની ત્રણ અન્ય ટીમ- પાકિસ્તાન, સાઉથ આફ્રિકા અને બાંગ્લાદેશની ટીમ હજુ એક પણ મેચ રમી નથી.

વિન્ડીઝ સામે ટીમ ઇન્ડિયા સતત આઠમી સીરિઝ જીતી શકશે?

પ્રથમ ટેસ્ટ મેચ જીતી લીધા બાદ ટીમ ઇન્ડિયા આજથી શરૂ થઈ રહેલી બીજી ટેસ્ટ મેચ જીતી લઈને અથવા ડ્રો કરીને સીરિઝને પોતાના નામે કરવા ઇચ્છે છે. ટીમ ઇન્ડિયા વેસ્ટ ઇન્ડિઝ સામે સતત સાત સીરિઝ જીતી ચૂકી છે. ટીમ ઇન્ડિયા છેલ્લે 2002માં વેસ્ટ ઇન્ડિઝની સામે હારી હતી, તે સમયે વેસ્ટ ઇન્ડિઝની ટીમ પાંચ ટેસ્ટ મેચની સીરિઝ 2-1થી જીતી લીધી હતી.

પીચ અને  હવામાન રિપોર્ટ
જમૈકામાં મેચ દરમિયાન આકાશમાં વાદળો છવાયેલાં રહી શકે છે. તાપમાન 26થી 32 ડિગ્રી વચ્ચે રહેશે. પીચમાંથી ભૂતકાળમાં ફાસ્ટ બોલર્સને મદદ મળતી હતી, પરંતુ હવે આ પીચ સ્લો થઈ ગઈ છે. ટોસ જીતનારી ટીમ બોલિંગ કરવાનું પસંદ કરશે. આ મેદાન પર રમાયેલી 51 મેચમાં પ્રથમ બોલિંગ કરનારી ટીમ 21 વાર જીતી છે. 16 મેચમાં પ્રથમ બેટિંગ કરનારી ટીમ જીતી છે, જ્યારે 14 મેચ ડ્રો રહી છે.