કારણ / સંસદમાં એક સાથે નહીં બેસે સની દેઓલ અને હેમા માલિની, જાણો શા માટે

બોલીવુડના આ એક્ટર અને એક્ટ્રેસ બંનેએ ભારે મતોથી જીત મેળવી છે. ચૂંટણી જીત્યા બાદ બંનેએ સાંસદ લોકસભામાં પોતાની હાજરી દાખલ કરાવશે. પરંતુ બંને એક સાથે બેસશે નહીં. આ પાછળનું કારણ અમે તમને જણાવી રહ્યા છીએ. 

વાસ્તવમાં બંનેનું સંસદમાં સાથે નહીં બેસવા પાછળનું કારણ બંનેના સંબંધની અણબન નહીં પરંતુ બીજું જ કંઇક છે. હેમા માલિની સીનિયર સાંસદ છે અને સની દેઓલ માટે આ પહેલી વખત હશે કે બંને સંસદમાં પોતાની હાજરી દાખલ કરાવશે. એટલા માટે હેમા સાંસદમાં આગળની તરફ રહેલી સીટોમાંથી કોઇ એક પર બેસશે જ્યારે નવા નિયુક્ત થયેલા સાંસદ સની દેઓલને પાછળની સીટોમાંથી કોઇ એક પર જગ્યા મળશે. 

સની દેઓલે પહેલી વખત ચૂંટણી લડી છે અને એને પહેલી વખત જીત મળી છે. સની દેઓલે જે સીટ પરથી ચૂંટણી લડી એ ભાજપની પારંપરિક સીટ છે. આ સીટથી અત્યાર સુધી દિવંગત અભિનેચા વિનોદ ખન્ના ચૂંટણી લડતા હતા. એમના નિધન બાદ એવું માનવામાં આવતું હતું કે એમની પત્નીને ભાજપ આ સીટથી ટિકીટ આપશે પરંતુ પાર્ટીએ ધર્મેન્દ્રના પુત્ર બોલીવુડ એક્ટર સની દેઓલને ટિકીટ આપવાનો નિર્ણય કર્યો. 

સની દેઓલે ચૂંટણી લડતા પહેલા એની પૂરી તૈયારી કરી લીધી હતીય એ એના સંસદીય ક્ષેત્રમા દરેક લોકોને જઇને મળ્યો. તેમજ સાથે સાથે પોતાના વિસ્તારની સમસ્યાઓનું જલ્દીથી એક લિસ્ટ પણ તૈયાર કર્યું.