Oppoએ લોન્ચ કર્યો Realme 1 સ્માર્ટફોન, કિંમત માત્ર 8990 રૂપિયા

By : juhiparikh 03:28 PM, 15 May 2018 | Updated : 03:28 PM, 15 May 2018
તાજેતરમાં Oppoએ નવી દિલ્હીમાં આયોજિત એક ઇવેન્ટમાં પોતાની નવી સીરિઝ Realme નો પહેલો સ્માર્ટફોન Realme 1 લોન્ચ કરી દીધો છે. ફોનની ખાસિયતની જો વાત કરવામાં આવે તો તેમાં 6GB રેમ અને 128GB ઇનબિલ્ટ મેમરી આપવામાં આવી છે. કંપની અનુસાર, આ મેડ ઇન ઇન્ડિયા ફોન છે અને ગ્રાહકોને મલ્ટીટાસ્ટિંગની મજા મળશે.  ફોન રેમ અને સ્ટોરેજના આધાર પર 3 વેરિયન્ટ્સમાં લોન્ચ કરવામાં આવ્યો છે. 

Realme 1 ની કિંમત  અને ઑફર્સ:

Realme 1 સ્માર્ટફોન 6GB રેમ અને 128GB  સ્ટોરેજ ધરાવતા વેરિયન્ટની કિંમત 13990 રૂપિયા છે, જ્યારે 3GB રેમ અને 32GB સ્ટોરેજ ધરાવતા વેરિયન્ટની કિંમત 8990 રૂપિયા છે. ફોનને એક્સિક્લૂસિવ રીતે એમેઝોન ઇન્ડિયા પરથી ખરીદી શકાશે. ફોનની પહેલી સેલ 25 મેથી 12 વાગે ખરીદી શકાશે. સ્માર્ટફોન સોલર રેડ અને ડાયમંડ બ્લેક કલરમાં મળશે.

જિયોના ગ્રાહકોને 4850 રૂપિયાનો ફાયદો મળશે. Oppoએ Realme 1 માટે SBIની સાથે પાર્ટનરશિપ કરીને SBIના કાર્ડથી પેમન્ટ કરવા પર EMI ટ્રાન્જેક્શન પર 5% સુધીનું કેશબેક આપશે. આ સાથે જ નૉ કોસ્ટ EMI ઑફર પણ છે. કંપની આ સ્માર્ટફોનની સાથે મફતમાં કવર પણ આપી રહી છે.

કંપનીએ સ્માર્ટફોન ઇવેન્ટમાં લોન્ચમાં જણાવ્યુ કે, એક મહિના પછી 4GB રેમ તથા 64GB સ્ટોરેજ ધરાવતા વેરિયન્ટને મૂનલાઇટ સિલ્વર અને ડાયમંડ બ્લેક કલરમાં મળશે. આ વેરિયન્ટની કિંમત 10,990 રૂપિયા છે.

Realme 1ના ફિચર્સ:

Realme 1માં 6 ઇંચ ફૂલ HD+ સ્કીન છે, જેનું રિઝોલ્યૂશન  1080x2180 પિક્સલ છે. ફોનમાં 3GB રેમ અને 32GB સ્ટોરેજ અને 6 GB રેમ અને 128GB ઇનબિલ્ટ સ્ટોરેજનો વિકલ્પ મળશે. ફોનમાં એઆઇ મીડિયાટેક હીલિયો પી60 પ્રોસેસર આપવામાં આવ્યુ છે. કંપનીનું કહેવું છે કે, ગત જનરેશનની સરખામણીએ પ્રોસેસર 50% વધારે દમદાર છે. આ તમામ વેરિયન્ટને 256GB સુધી માઇક્રો SD કાર્ડની મદદથી વધારી શકાશે.

ફોનમાં ટ્રિપ સિમ સપોર્ટ છે એટલે ગ્રાહકોને 2 સિમ કાર્ડ તથા માઇક્રો SD કાર્ડની મજા મળશે. બંને સિમ કાર્ડ 4G સિમ કાર્ડને સપોર્ટ કરે છે.

સ્માર્ટફોનના કેમેરાની જો વાત કરવામાં આવે તો 13 મેગાપિક્સલનો રિયર કેમેરા આપવામાં આવ્યો છે, જ્યારે 8 મેગાપિક્સલ સેલ્ફી કેમેરા આપવામાં આવ્યો છે. 

સ્માર્ટફોનમાં 3410 mAHની બેટરી આપવામાં આવી છે.  ફોનમાં એન્ડ્રોઇડ 8.1 ઑરિયો પર આધારિત કલર ઓએસ 5.0  પર ચાલે છે. કંપની અનુસાર, હેન્ડસેટે 10000 ડ્રૉપ ટેસ્ટ્, 1,00,000 બટન ટેસ્ટ્સ અને 10000 USB ટેસ્ટ્સ પાસ કર્યા છે. કનેક્ટિવિટી માટે 4G voLETની સાથે સ્ટાન્ડર્ડ કનેક્ટિવિટી ફિચર્સ મળશે.



Recent Story

Popular Story