વિચારવા જેવું / પારલે-જી બિસ્કિટના 'G' પાછળની શું છે કહાની? જાણો શું થાય તેનો સાચો મતલબ

• 90ના દશકના બાળકો માટે પારલે-જી બિસ્કીટ ખૂબ જ લોકપ્રિય 
• પારલે-જીના 'G'નો શું છે સાચો મતલબ? 
• આઝાદી પહેલા પારલે જીનું નામ ગ્લૂકોઝ બિસ્કુટ હતું

દેશમાં જો બિસ્કીટનું નામ લેવામાં આવે તો સૌથી પહેલા પારલે-જીનું નામ જ મોઢા પર આવે છે. 90ના દશકના બાળકો માટે પારલે-જી બિસ્કીટનો એક માત્ર વિકલ્પ જ હતો. અહીં સુધી કે પારલે જીની એડ પણ ખૂબ જ લોકપ્રિય થઈ હતી. તેના પેકટ પર છપાયેલી નાની બાળકીનું ચિત્ર પણ ખૂબ જ ફેમસ થયું છે. આ ઉપરાંત બીજી એક વાત પણ હતી કે જે હંમેશા લોકોના મોઢે રહેતી હતી અને તે છે પારલે-જી 'G' એટલે જીનિયસ. પરંતુ શું તમે જાણો છો કે પારલે-જીમાં જીનો હકીકતે ઉપયોગ કેમ કરવામાં આવતો હતો? 

પારલે-જીના 'G'નો શું છે સાચો મતલબ? 
આ કહાનીની શરૂઆત પારલેના નામથી શરૂ થાય છે. આઝાદી પહેલા પારલે જીનું નામ ગ્લૂકોઝ બિસ્કુટ હતું. દ્વિતિય વિશ્વ યુદ્ધ વખતે ભારતીય અને બ્રિટિશ બન્ને સૌનિકોને આ બિસ્કિટ પસંદ આવતા હતા. પરંતુ આઝાદી બાદ ગ્લૂકોનું ઉત્પાદન રોકાઈ ગયું હતું. હકીકતે તેને બનાવવા માટે ઘઉંનું ઉત્પાદન કરવામાં આવે છે અને દેશમાં તે વખતે અન્ન સંકટ ઉભી થયું હતું. 

જ્યારે ફરી વખતે ઉત્પાદન શરૂ થયું તો ઘણી કંપનીઓ ટક્કરમાં આવી ગઈ. ખાસ કરીને બ્રિટાનિયાએ ગ્લોકઝ-ડીથી માર્કેટ પર કબજો કરવાનો પ્રયત્ન કર્યો હતો. ત્યારે ગ્લૂકોઝને ફરી લોન્ચ કરવામાં આવ્યા હતા. તે સમયે જ તેનું નામ પારલે-જી રાખવામાં આવ્યું હતું અને કવર પર નાની બાળકીની તસ્વીર લગાવવામાં આવી. જણાવવામાં આવી રહ્યું છે કે પારલે નામ મુંબઈના વિર્લે-પાર્લે વિસ્તાર પરથી આવ્યું હતું. જ્યાં તેની ફેક્ટ્રી હતી. ત્યાં જ 'G'નો મતલબ ગ્લુકોઝ હતો. હકીકતે પારલે-જી ગ્લૂકોઝ બિસ્કિટ છે. મીડિયા રિપોર્ટ્સ અનુસાર વર્ષ 2000માં 'G'નો મતલબ જીનિયર પ્રમોટ કરવામાં આવ્યો હતો.