વિજ્ઞાનમાં સર્જન અને સંહાર બંનેની શક્તિ છે. વિજ્ઞાનના ચમત્કારે સામાન્ય માણસના જીવવને સરળ બનાવી દીધુ છે, તો સૈનિકોને પણ નવી તાકાત આપી છે. આ ઘટનાક્રમમાં હવે પૈરાટ્રુમ્પર્સ દ્વારા દુશ્મનોનો ખાત્મો કરવાની વાત વિતી ગયેલા જમાનાની વાત થઇ ગઇ છે. કારણકે હવે સૈનિકોને સ્પેશિયલ જેટ સૂટ આપી વાસ્તવિક જીવનના આયરન મેન બનાવવાની તૈયારી થઇ રહી છે.
બ્રિટીશ ઈન્વેસ્ટરે દરિયાઈ સૈનિકો માટે સ્પેશિયલ સૂટ બનાવ્યો
આ સૂટ પહેરી સૈનિકો દુશ્મોના ઠેકાણે લેન્ડ થઇ શકશે
આ સૂટ પહેરી 12000 ફૂટ ઉંચાઈ સુધી ભરી શકાશે ઉડાન
બ્રિટીશ ઈન્વેસ્ટરની તૈયારી
સુરક્ષાકર્મીઓ અને ખાસ કરીને દરિયાઈ સૈન્ય માટે તૈયાર થતાં સ્પેશિયલ સૂટને બનાવવાનું એક કારણ એવુ પણ છે કે જો જરૂરીયાત ઉભી થાય તો તેઓને કોઈ અવાજ વગર દુશ્મનોના ઠેકાણે લેન્ડ કરી શકાય. બ્રિટીશ વેપારી અને ગ્રેવિટી ઈન્ડસ્ટ્રીઝના સીઈઓ રિચર્ડ બ્રાઉનિંગે આર્મી પીપલ કોન્ફરન્સ દરમ્યાન આ લેટેસ્ટ ટેકનોલોજી જેટ સૂટનું પ્રદર્શન કર્યુ. આ જેટ સૂટની વિશેષતાઓને જોઈને સેનાના વરિષ્ઠ અધિકારી અને કમાન્ડર વધુ ખુશ થયા.
જેટ સૂટની યુએસપી
ફાર્નબરોમાં જે જેટ સૂટનું પ્રદર્શન થયુ તેની વિશેષતાઓની વાત કરીએ તો તેમાં 5 ગેસ ટર્બાઈન એટેચ છે. જેની મદદથી 12,000 ફૂટ ઉંચાઈ સુધી ઉડાન ભરી શકાય છે. જેને પહેરનારો સૈનિક 80 માઈલ પ્રતિ કલાકની ઝડપથી કોઈ પણ યુદ્ધ ક્ષેત્રમાં ઉડીને પહોંચી શકે છે.
એક્શનમાં પ્રખ્યાત જેટ મેન
કોન્ફરન્સ દરમ્યાન બ્રાઉનિંગે પોતાનું ઉડાન મશીન જેનાથી તેમની ફર્મે વર્લ્ડ ફર્સ્ટનું નામ આપ્યું છે. તેની ક્ષમતાઓનું પ્રદર્શન કર્યુ. આ સૂટને પહેરીને તેઓ થોડી દૂર રહેલી જીપ ઉપર અને ટ્રકની છત પર ઉતર્યા. તેઓ સેનાના આયોજનમાં પહોંચેલા દર્શકોથી ખીચોખીચ બાલ્કનીમાં પહોંચ્યાં. જ્યાં ઉપસ્થિત રહેલા લોકોએ જેટ મેનની સાથે સારી તસ્વીરો ખેંચાવી.
ઘણા વર્ષોથી ચાલી રહ્યું છે કામ
આ પહેલી વખત નથી કે જ્યારે સીઈઓ બ્રાઉનિંગે બ્રિટીશ સશસ્ત્ર દળો માટે બનાવવામાં આવેલી આ પ્રોડક્ટનું પ્રદર્શન કર્યુ. જેના માટે ઘણા વર્ષોથી તૈયારી થતી હતી. બ્રિટીશના દરિયાઈ સૈન્ય માટે બનાવવામાં આવી રહેલા આ સૂટના નિર્માણ માટે પેટ્રોલિંગ જહાજ HMS Tamar પર ગ્રેવિટી ઈન્ડસ્ટ્રીઝની સાથે મળીને કામ કરવામાં આવ્યું. જેના માટે ઘણી ટેસ્ટ ફ્લાઈટનું આયોજન થયુ.