IPLIN
 

રિયલ એસ્ટેટ / રિપોર્ટઃ 2020માં મકાનોના વેચાણમાં 10 વર્ષનો સૌથી મોટો ઘટાડો થયો પરંતુ હવે આવ્યા રાહતના સમાચાર

Team VTV 09:30 PM, 11 Jan 21 | Updated: 09:32 PM, 11 Jan 21
Follow us
Real estate housing sales fell 2020 coronavirus gujarat

કોરોનાએ રિયલ એસ્ટેટ માર્કેટની હાલત 2020માં ખરાબ કરી નાખી હતી. પ્રોપર્ટી કન્સલ્ટન્ટ નાઇટ ફ્રેંક ઈન્ડિયાએ તાજેતરમાં દેશના અગ્રણી શહેરોના રિયલ એસ્ટેટ માર્કેટ પર રિપોર્ટ તૈયાર કર્યો છે અને આ રીપોર્ટ મુજબ 2020માં મકાનોના વેચાણમાં 61% જેવો ઘટાડો થયો છે જે વીતેલા 10 વર્ષનો સૌથી મોટો ઘટાડો છે. તેવી જ રીતે નવા હાઉસિંગ પ્રોજેક્ટના લોન્ચિંગમાં પણ 36% જેવો ઘટાડો નોંધાયો છે. જોકે, રિયલ એસ્ટેટ સેક્ટર માટે સારી બાબત એ છે કે, 2020ના ચોથા ત્રિમાસિક ગાળામાં ઇન્ડસ્ટ્રીમાં થોડી રીકવરીની શરૂઆત થઇ છે.

  • કોરોના વાયરસના કારણે રિયલ એસ્ટેટ માર્કેટને મોટી અસર
  • રિયલ એસ્ટેટ માર્કેટ પર રિપોર્ટ તૈયાર કર્યો છે
  • છેલ્લા ત્રણેક મહિનાથી મકાનના વેચાણમાં ઝડપી વેગ

કોરોના મહામારીના કારણે હાઉસિંગ વેચાણમાં મોટી અસર પડી છે. જોકે છેલ્લા ત્રણેક મહિનાથી મકાનના વેચાણમાં ઝડપી વેગ આવ્યો છે. ત્યારે નાઇટ ફ્રેંકના નેશનલ ડિરેક્ટર બલબિરસિંઘ ખાલસાએ જણાવ્યુ હતુ કે, અમદાવાદ ટોચના આઠ શહેરોની તુલનામા સૌથી સસ્તાં મકાનો ઓફર કરે છે તેમ છતાં બેરોજગારી અને આવકમાં સંભવિત અસ્થિરતાને કારણે રેસિડેન્શિયલ માંગને ખરાબ અસર થઇ છે.

નાઇટ ફ્રેંકના રિપોર્ટ મુજબ 2019માં અમદાવાદમાં 16713 મકાનો વેચાયા હતા તેની સામે 2020માં માત્ર 6506 નવા ઘરનું જ વેચાણ થયું હતું. જાન્યુઆરીથી જૂનના હાફ યર્લી પિરિયડમાં 2520 મકાનો વેચાયા હતા. જ્યારે જુલાઈ-ડિસેમ્બરમાં 3986 મકાનો વેચાયા હતા. 

બલબિરસિંઘ ખાલસાએ કહ્યું કે, વ્યાવસાયિક પ્રવૃત્તિઓ પુનઃશરૂ થઇ જતા, હોમ લોનના નીચા દરો અને ડેવલપર્સ દ્વારા કરવામાં આવતી આક્રમક વાટાઘાટોને કારણે વર્ષના ચોથા ક્વાર્ટરમાં ઘણો જ સુધારો જોવા મળ્યો છે. ઓક્ટોબર-ડિસેમ્બરના ગાળામાં ઘરના વેચાણમાં 67% વૃદ્ધિ થઇ છે.

Real Estate Coronavirus રિયલ એસ્ટેટ કોરોના વાયરસ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ