ઇલેક્શન 2022 / અમદાવાદના એવાં 23 ઉમેદવારો કે જેઓએ પોતાનો જ એક વોટ ગુમાવી દીધો, કારણ જાણી ચોંકી ઉઠશો

• અમદાવાદ જિલ્લાની 21 બેઠકો પર ખરાખરીનો જંગ
• 23 ઉમેદવારો પોતાને જ નહીં આપી શકે મત
• AAPના 11, કોંગ્રેસના 8 અને ભાજપના 4 ઉમેદવારો અન્યને મત આપશે

પ્રથમ તબક્કાની ચૂંટણીની આડે 1 દિવસ બચ્યો છે, ત્યારે પહેલા તબક્કાના ચૂંટણી પ્રચાર પૂરો થયો છે. જો કે બીજા તબક્કાનો ચૂંટણી પ્રચાર હાલ ચાલી રહ્યો છે. 5મી ડિસેમ્બરે બીજા તબક્કાનું મતદાન યોજાશે. બીજા તબક્કામાં ઉત્તર ગુજરાત અને મધ્ય ગુજરાતની 93 બેઠકો પર મતદાન થશે. અમદાવાદની શહેર અને જિલ્લાની કુલ 21 બેઠકો પર કોંગ્રેસ, ભાજપ અને આપના 63 ઉમેદવારો વચ્ચે ખરાખરીનો જંગ જામશે. પરંતુ આજે અમે તમને અમદાવાદના એવા 23 ઉમેદવારો વિશે જણાવા જઈ રહ્યા છીએ તેઓએ પોતાના મત ગુમાવ્યા છે. એટલે કે તેમનો મતદાન વિસ્તાર અલગ છે અને તેઓ અલગ વિસ્તારમાંથી ચૂંટણી લડી રહ્યા છે. 

આ 23 ઉમેદવારોએ પોતાના મત ગુમાવ્યા
અમદાવાદની 21 બેઠકોના ભાજપ, કોંગ્રેસ અને AAPના  23 ઉમેદવારોએ એક વોટ ગુમાવી દીધો છે. તેઓ પોતે જ પોતાને વોટ આપી નહીં શકે, તેઓએ અન્ય ઉમેદવારને મત આપવો પડશે. કારણ કે તેઓ જે જગ્યાએ ચૂંટણી લડી રહ્યા છે. ત્યાં તેમને મત આપવાનો અધિકાર નથી, તેમનો મતદાન વિસ્તાર અલગ છે. 

63 ઉમેદવારોમાંથી 40 ઉમેદવારો સ્થાનિક
અમદાવાદની શહેર અને જિલ્લાની કુલ 21 બેઠકો પર કોંગ્રેસ, ભાજપ અને આપના 63 ઉમેદવારોમાંથી 40 ઉમેદવારો સ્થાનિક છે, જેથી તેઓ પોતાનો મત પોતાને જ આપી શકશે, જ્યારે 23 ઉમેદવારો અન્ય વિધાનસભામાંથી ચૂંટણી લડી રહ્યા છે. તેઓએ પોતાનો મત  અન્ય ઉમેદવારને આપવો પડશે. આ 23 ઉમેદવારોમાં ભાજપના 4, કોંગ્રેસના 8 અને આમ આદમી પાર્ટીના 11 ઉમેદવારોનો સમાવેશ થાય છે.   

આ ઉમેદવારો નહીં આપી શકે પોતાને મત 
આ ઉમેદવારોમાં દર્શના વાઘેલા, જે.જે મેવાડા, જગદીશ વિશ્વકર્મા, અશોક ગજેરા, ગ્યાસુદ્દીન શેખ, તાજ કુરેશી, શૈલેષ પરમાર, દિનેશ કાપડિયા, બળવંત ગઢવી, બિપિન પટેલ, વિજય બ્રહ્મભટ્ટ, સંજય મોરી, અમીબેન યાજ્ઞિક, લાખાભાઈ ભરવાડ, કલ્પેશ પટેલ, કિરણ પટેલ, કાળુ ડાભી, વિનય ગુપ્તા, જશવંત ઠાકોર, હારુન નાગોરી, ડો પાયલ કુકરાણી, સોનલ પટેલ, હિંમતસિંહ પટેલ.

ભાજપના 4 ઉમેદવારોએ એક મત તો ગુમાવી જ દીધો

કોંગ્રેસના આ 8 ઉમેદવારો પોતાને જ નહીં આપી શકે મત

 આપના આ 11 ઉમેદવારને અન્ય ઉમેદવારને આપવો પડશે વોટ