ન્યૂઝ અપડેટ / રાજ્યમાં માવઠાનો બીજો રાઉન્ડ, રાહુલ કેસમાં ગુજરાત HCનો હવે 2 મે ચુકાદો,ગેંગસ્ટર મુખ્તાર અંસારીને 10 વર્ષની સજા, જુઓ સમાચાર સુપરફાસ્ટ

ગુજરાતમાં હવામાન વિભાગે ફરી કમોસમી વરસાદની આગાહી કરી છે. વેસ્ટર્ન ડિસ્ટર્બન્સ અને સર્ક્યુલેશનના કારણે રાજ્યમાં કમોસમી વરસાદ પડશે તેવું હવામાન વિભાગ દ્વારા જણાવવામાં આવ્યું છે. જેને લઇ ખેડૂતો પર ચિંતાના વાદળો છવાયા છે. હવામાન વિભાગના જણાવ્યા અનુસાર, આજે 30 એપ્રિલે અરવલ્લી, દાહોદ, સાબરકાંઠા, છોટાઉદેપુર, ડાંગ, તાપી, અમરેલી, ભાવનગર, કચ્છ, નર્મદામાં વરસાદની આગાહી છે. તો 1 મેના રોજ સાબરકાંઠા, અરવલ્લી, મહીસાગર, અ,મરેલી, ગીર સોમનાથ અને ભાવનગરમાં માવઠું પડી શકે છે.  કમોસમી વરસાદને કારણે બાગાયતી ખેતી કરતા ખેડૂતોની ચિંતામાં વધારો થયો છે. 

અમદાવાદમાં પોલીસ વિભાગને લઈ સૌથી મોટા સમાચાર સામે આવ્યા છે. પ્રેમવીરસિંહને અમદાવાદ ઇન્ચાર્જ પોલીસ કમિશનરનો હવાલો સોંપાયો છે. સંજય શ્રીવાસ્તવ નિવૃત થતાં તેઓ ઇન્ચાર્જ  પોલીસ કમિશનર બન્યા છે. અન્ય હુકમ ન થાય ત્યાં સુધી પોલીસ કમિશનરનો ચાર્જ સોંપાયો છે. તમને જણાવી દઈએ કે, 2005ની બેચના પ્રેમવિર સિંહ અધિકારી છે તેમજ તેઓ હાલ અમદાવાદ ક્રાઇમ બ્રાન્ચમાં  જોઇન્ટ કમિશનર ઓફ પોલીસ તરીકે ચાર્જમાં છે

BIG NEWS : પ્રેમવીરસિંહ બન્યાં અમદાવાદના નવા પોલીસ કમિશનર, સંજય શ્રીવાસ્તવ નિવૃત#ahmedabad #policecommissioner #premveersingh #vtvgujarati pic.twitter.com/gUEX2BR3tz

— VTV Gujarati News and Beyond (@VtvGujarati) April 29, 2023

શિક્ષણ વિભાગ દ્વારા TAT ની પરીક્ષા પદ્ધતિમાં ફેરફારને લઈને પરિપત્ર જાહેર કર્યો છે. જેમાં શિક્ષણ વિભાગ દ્વારા નિર્ણય કરવામાં આવ્યો છે કે પહેલી પરીક્ષા પાસ કરનારને જ બીજી પરીક્ષામાં પ્રવેશ મળશે. TAT ની પરીક્ષા પદ્ધતિ હવે દ્વિસ્તરીય પરીક્ષા પદ્ધતિ રહેશે. જેમાં પહેલી પરીક્ષા વૈકલ્પિક પ્રશ્નોની રહેશે. જ્યારે બીજી પરીક્ષા વર્ણનાત્મક રહેશે. શિક્ષણ વિભાગ દ્વારા શિક્ષકોની ગુણવત્તામાં વધારો કરવા માટે આ પદ્ધતિમાં ફેરફાર કરવામાં આવ્યો છે.

ગુજરાત હાઇકોર્ટમાં માનહાનિ કેસમાં રાહુલ ગાંધીની અરજી પર ગઈકાલે સુનાવણી હાથ ધરવામાં આવી હતી. 2 વર્ષની સજાના હુકમને પડકારતી અરજી સુરત સેશન્સ કોર્ટે ફગાવતા રાહુલે સેશન્સ કોર્ટના ચુકાદાને હાઇકોર્ટમાં પડકાર્યો હતો. રાહુલ ગાધીની અરજી  પર આજે જસ્ટિસ હેમંત પ્રચ્છકની બેંચમાં સુનાવણી કરાઈ હતી. અરજી પર હાઈકોર્ટમાં સુનાવણી દરમિયાન વરિષ્ઠ વકીલ અભિષેક મનુ સિંઘવીએ દલીલ કરી હતી. તેઓએ કહ્યું હતું કે, આ કોઈ ગંભીર ગુનો નથી કે માફી ન આપી શકાય. અમે કન્વીક્શન પર સ્ટેની માગ કરી રહ્યાં છીએ. તેઓએ કહ્યું હતું કે, નોન આઇડેન્ટિફાય કેસમાં આવી ફરિયાદ દાખલ ન થઈ શકે. નિવેદનમાં જે વ્યક્તિનું નામ નથી લેવાયું તેમણે ફરિયાદ નોંધાવી છે. રાહુલ ગાંધી લોક પ્રતિનિધિ અને સાંસદ પણ છે. ઈલેક્શન કમિશન ચૂંટણી જાહેર કરી દેશે તો કોર્ટ તે નિર્ણયને કેવી રીતે પરત ખેંચાવી શકશે

અમદાવાદના સોલા વિસ્તારમાં યુવકના આપઘાતને લઈને મોટો ખુલાસો થયો છે. યુવકને અશ્લીલ વીડિયો બતાવીને બ્લેકમેલ કરી 8 લાખ પડાવી લેવામાં આવ્યા. જોકે, યુવકના આપઘાત બાદ પણ ફોન આવતા પરિવારને ન્યુડ વીડિયો ગેંગની જાણ થતાં પોલીસ ફરિયાદ નોંધાઇ હતી. પોલીસે રાજસ્થાનના ભરતપુરથી ગેંગના 2 આરોપીની ધરપકડ કરી છે. 

ગુજરાત સ્ટેટ રોડ ટ્રાન્સપોર્ટ કોર્પોરેશન એટલે કે GSRTC ગ્રામ્ય વિસ્તારના લોકો માટે ખૂબ મહત્વની બની ગઈ છે ગ્રામ્ય અને શહેર વિસ્તારોને જોડતી મહત્વની કડી ગણી શકાય છે દક્ષિણ ગુજરાતના સુરત અને વલસાડ ડિવિઝન માટે 200 થી વધુ બસો ફાળવીને એસટી નિગમ દ્વારા લોકોને શહેરથી ગ્રામ્ય વિસ્તારમાં પોતાના કામ અર્થે પહોંચી શકાય એવા આશયથી શરૂ કરવામાં આવી છે. 

125 નવી બસો રાજ્ય ના નાગરિકો ની સેવા માં આજ થી શરૂઆત કરવામાં આવી.

જનતાની મુસાફરીને સલામત, સુરક્ષિત અને સરળ બનાવવાની દિશામાં માન. મુખ્યમંત્રી શ્રી ભૂપેન્દ્રભાઈ પટેલ સાહેબના માર્ગદર્શન હેઠળ રાજ્ય સરકારે ભર્યું વધુ એક પગલું

આજે આદરણીય પ્રદેશ અધ્યક્ષ શ્રી સી.આર.પાટીલ સાહેબની… pic.twitter.com/VleOrHq2LZ

— Harsh Sanghavi (@sanghaviharsh) April 29, 2023

રાજ્યમાં બાલવાટિકા શરૂ કરવાને લઈ સરકારે પરિપત્ર જાહેર કર્યો છે. સરકારી, ખાનગી સ્કૂલોએ પોતાના કેમ્પસમાં જ બાલવાટિકા શરૂ કરવાની રહેશે તેમજ ધોરણ 1માં 6 વર્ષે થયા બાદ જ પ્રવેશ આપવાનો રહેશે જે બાબતે નવી શિક્ષણ નીતિને લઈને પણ શિક્ષણ વિભાગનો પરિપત્ર બહાર પાડ્યો છે. 5 વર્ષની ઉમંરથી 6 વર્ષ સુધી આપવામાં આવતું શિક્ષણ બાલવાટિકા તરીકે ઓળખાશે તેમજ પ્રાથમિક શાળામાં જ બાલવાટિકા શરૂ કરવામાં આવશે તેવું પરિપત્રમાં જણાવ્યું છે. 1 જૂન 2023ના રોજ 5 વર્ષ પૂર્ણ કરનાર બાળકને બાલવાટિકામાં પ્રવેશ મળશે તેમજ 1 જૂન 2023ના રોજ 6 વર્ષ પૂર્ણ કરનાર બાળકને જ પહેલા ધોરણમાં પ્રવેશ મળશે તેમજ બાલવાટિકામાં PTC, ડિપ્લોમા, બીએડ શિક્ષકોની નિમણૂક કરી શકાશે. બાલવાટીકા માટે PTC કરેલા શિક્ષકોને રાખી શકાશે.

કમોસમી વરસાદને લઈ ખેડૂતને ફરી મુશ્કેલી વેઠવાનો વારો આવ્યો છે. ઉનાળાની શરુઆત થતાથી જ સાથે રાજ્યમાં ચોમાસાની શરુઆત થઈ હોય તેવું વાતાવરણ સર્જાયું છે, રાજ્યમાં ઠેર-ઠેર હળવાથી ભારે અને ગાજવીજ સાથે વરસાદ વરસી રહ્યો છે. રાજ્યમાં કમોસમી વરસાદે જગતના તાતના હાલ-બેહાલ કર્યા છે. ભર ઉનાળે વરસેલા વરસાદે ખેતીના પાકમાં વ્યાપક નુકસાન પહોંચાડ્યો છે. રાજ્યમાં કમોસમી વરસાદ અંગે કૃષિમંત્રી રાઘવજી પટેલનું નિવેદન સામે આવ્યું છે. કૃષિમંત્રી રાઘવજી પટેલે કમોસમી વરસાદને લઈ જણાવ્યું કે, પર્યાવરણમાં ફેરફારના કારણે ઋતુચક્રમાં બદલાવ જોવા મળ્યો છે અને કુદરતી પડકારોને પહોંચી વળવા ખેડૂતોએ સજજ રહેવું જોઈએ તેમણે ઉમેર્યું કે, રાજ્ય સરકાર આવી આફતો સમયે ઉદાર હાથે સહાય કરે છે અને 5 વર્ષમાં સરકારે ખેડૂતોને નુકસાનીમાં 10 હજાર કરોડથી વધુ સહાય કરી છે તેમજ ખેડૂતોએ પાક પેટર્ન પણ એ પ્રમાણે કરવી જોઈએ. ઇઝરાયલમાં 4 ઇંચ વરસાદમાં ખેડૂતો સારી આવક કરે છે.

ભાવનગર તોડકાંડ મામલે યુવરાજસિંહ જાડેજા પર ખંડણીનો ગુનો નોંધાયો છે ત્યારે પોલીસ તોડકાંડ મુદ્દે નવા નવા ખુલાસા કરી પુરાવા રજૂ કરી રહી છે ત્યારે યુવરાજસિંહના વધુ 2 દિવસના રિમાન્ડ મંજૂર કરાયા છે તમને જણાવી દઈએ કે, 1 મે બપોરે 3 વાગ્યા સુધી રિમાન્ડ મંજૂર કરાયા છે.

તોડકાંડ : આરોપી યુવરાજસિંહના વધુ 2 દિવસના રિમાન્ડ મંજૂર, 1 મે સુધી રહેશે પોલીસ કસ્ટડીમાં#bhavnagar #todkand #yuvrajsinhjadeja #vtvgujarati pic.twitter.com/Pca22I5NeP

— VTV Gujarati News and Beyond (@VtvGujarati) April 29, 2023

દેશની ટોપ IIT અને NITમાં એડમિશન માટે લેવાતી JEE મેઈન્સનું પરિણામ જાહેર કરવામાં આવ્યુ છે. જેમાં અમદાવાદના ત્રણ વિદ્યાર્થીઓને ટોપ 100માં સ્થાન મળ્યુ છે. અમદાવદના કૌશલ વિજયવર્ગીયએ સમગ્ર દેશમાં પાંચમો રેન્ક મેળવ્યો છે. જ્યારે હર્શુલ સુથારે 17મો રેન્ક મેળવ્યો છે. આઠ લાખ વિદ્યાર્થીઓએ પરીક્ષા આપી હતી જેમાં 2 લાખ 25 હજાર વિદ્યાર્થીઓ JEE એડવાન્સ માટે ક્વોલિફાઈ થયા છે. સમગ્ર દેશમાં 5મો રેન્ક મેળવનાર કૌશલ વિજયવર્ગીયએ પોતાની સફળતાને લઈ જણાવ્યુ હતુ કે, સતત મહેનત અને સ્માર્ટ વર્કથી ધાર્યું પરિણામ લાવી શકાય છે. IIT મુંબઈમાં કમ્યુટર સાયન્સમાં એડમિશન મેળવવાનું કૌશલનું સ્વપ્નનું છે. ટોપર કૌશલ વિજય વર્ગીયએ જણાવ્યું હતું કે, સતત મહેનત અને સ્માર્ટ વર્કથી ધાર્યું પરિણામ લાવી શકાય છે. કૌશલનું સ્વપ્ન છે કે, તે મુંબઈની આઇઆઇટીમાં કમ્પ્યુટર સાયન્સમાં પ્રવેશ મેળવે. હર્ષુલ સુથારે જણાવ્યું હતું કે, બાયો કેમેસ્ટ્રી તેમને હાથ લાગતી હતી તેમાં સતત પ્રેક્ટિસ કરીને તેઓએ મુકામ હાંસલ કર્યું છે.

રાજધાની દિલ્હીના જંતર-મંતર ખાતે દેશના કુસ્તીબાજોની હડતાળ આજે પણ ચાલુ છે. આ તરફ હવે મોટા સમાચાર સામે આવ્યા છે કે, બૃજભૂષણસિંહ ફરિયાદ નોંધાઈ છે. વાત જાણે એમ છે કે, દિલ્હી પોલીસ અધિકારીઓએ શુક્રવારે પુષ્ટિ કરી કે, પૂર્વ WFI પ્રમુખ બૃજભૂષણસિંહ વિરુદ્ધ જાતીય સતામણીના આરોપો પર બે FIR નોંધવામાં આવી છે. પોલીસ અધિકારીઓના જણાવ્યા અનુસાર બંને FIR કનોટ પ્લેસ પોલીસ સ્ટેશનમાં નોંધવામાં આવી છે.

વડાપ્રધાન નરેન્દ્ર મોદીએ મિશન કર્ણાટકમાં સત્તાધારી ભાજપને જિતાડવા માટે રેલીઓ શરૂ કરી દીધી છે. પીએમ મોદીએ શનિવારે બિદર જિલ્લાના હુમનાબાદમાં જનસભાને સંબોધિત કરીને કર્ણાટક પ્રવાસની શરૂઆત કરી હતી. આ દરમિયાન તેમણે કોંગ્રેસ પર આકરા પ્રહારો કર્યા અને લોકોને ભાજપને મત આપવા અપીલ કરી અને કહ્યું કે ડબલ એન્જિનવાળી સરકાર જ કર્ણાટકને નંબર 1 રાજ્ય બનાવી શકે છે.બિદરથી તેમની વિધાનસભા ચૂંટણીની શરૂઆત પર ખુશી વ્યક્ત કરી અને કહ્યું કે, જ્યારે તેઓ પીએમ બન્યા ત્યારે પણ તેમને આ સ્થાનના આશીર્વાદ મળ્યા હતા. તેમણે આ ચૂંટણીને કર્ણાટકને દેશમાં નંબર. 1 રાજ્ય બનાવવાની ચૂંટણી ગણાવી હતી અને કહ્યું હતું કે આ વખતે ભાજપની સરકાર છે. આ દરમિયાન તેમણે કોંગ્રેસ પર નિશાન સાધતા કહ્યું કે, કોંગ્રેસે અત્યાર સુધીમાં 91 વખત મને ગાળો બોલી છે. જ્યારે પણ કોંગ્રેસે ગાળો બોલી ત્યારે જનતાએ સજા કરી. આ સાથે તેમણે એમ પણ કહ્યું કે, કોંગ્રેસ ગમે તેટલી ગાળો ભાંડતી રહે, તેઓ સેવા કરતા રહેશે.

#WATCH | "Congress has started abusing me again. Every time Congress abuse me, it gets demolished. Congress has abused me 91 times...Let Congress abuse me, I will keep on working for the people of Karnataka...," says PM Narendra Modi addresses a public meeting at Humnabad in… pic.twitter.com/bd4XbN0nT6

— ANI (@ANI) April 29, 2023

મુખ્તાર અંસારીને ગેંગસ્ટર કેસમાં ગાઝીપુરની એમપી-એમએલએ કોર્ટે  દોષિત જાહેર કર્યો છે અને 10 વર્ષની સજા ફટકારી છે. આ સાથે જ કોર્ટે તેના પર 5 લાખ રૂપિયાનો દંડ પણ ફટકાર્યો છે. બીજી તરફ મુખ્તારના ભાઈ અને બસપાના સાંસદ અફઝલ અન્સારી પર હજુ સુધી કોર્ટનો નિર્ણય આવ્યો નથી. કોર્ટ બપોરે સુધીમાં તેમની વિરુદ્ધ ચુકાદો આપી દેશે.મુખ્તાર અંસારી સામે આ કેસ યુપીના પ્રખ્યાત કૃષ્ણાનંદ રાય હત્યા કેસ અને બિઝનેસમેન નંદકિશોર રૂંગટાના અપહરણ અને હત્યા મામલે દર્જ કરવામાં આવ્યો હતો. આ કેસમાં અફઝલ અંસારી તેના ભાઈ માફિયા ડોન મુખ્તાર અંસારી અને સાળા એજાઝુલ હક વિરુદ્ધ 2007માં ગેંગસ્ટર એક્ટ હેઠળ કેસ નોંધવામાં આવ્યો હતો. જો કે એજાઝુલ હકનું નિધન થયું છે. આ કેસની સુનાવણી 1 એપ્રિલના રોજ પૂર્ણ થઈ હતી. પહેલા આ મામલે નિર્ણય 15 એપ્રિલે આવવાનો હતો પણ બાદમાં તારીખ લંબાવીને 29 એપ્રિલ કરવામાં આવી હતી. આ કેસમાં ગાઝીપુરની સાંસદ-ધારાસભ્ય કોર્ટમાં વર્ષ 2012માં સુનાવણી શરૂ થઈ હતી.

પ્રધાનમંત્રી નરેન્દ્ર મોદી આજે એટલે કે 30 એપ્રિલનાં રોજ 100મી વખત દેશવાસીઓની સાથે 'મન કી બાત'કરશે. રેડિયો કાર્યક્રમ 'મન કી બાત'નાં 100માં એપિસોડનું UN સંયુક્ત રાષ્ટ્રનાં હેડ ક્વાર્ટરમાં પણ લાઈલ ટેલીકાસ્ટ થશે. તેને લઈને સંયુક્ત રાષ્ટ્રમાં ભારતનાં સ્થાયી મિશનને લઈને ટ્વિટર પર લખ્યું છે કે ઐતિહાસિક પળ માટે તૈયાર થઈ જાઓ. PM મોદીનાં 'મન કી બાત'નું સીધું પ્રસારણ સંયુક્ત રાષ્ટ્રનાં હેટ ક્વાર્ટરનાં ટ્રસ્ટીશિપ કાઉંસિલ ચેમ્બરમાં થશે.