ઇંગ્લેન્ડે બીજી ઇનિંગમાં ઘણી જબરદસ્ત પારી રમી વિકેટ ગુમાવ્યા વિના 107 રન બનાવી લીધા પણ એ પછી ઇંગ્લેન્ડે બે રનની અંદર જ વિકેટ ગુમાવવાની શરૂઆત કરી હતી.
ઈંગ્લેન્ડને 378 રનનું લક્ષ્ય આપ્યા પછી ભારતીય ટીમ ફિલ્ડિંગ કરી રહી છે
જ્યારે એલેક્સ લીસ રનઆઉટ થયા એ સમયે વિરાટ કોહલીનું રીએક્શન થયું વાયરલ
ઈંગ્લેન્ડના સ્કાઈ સ્પોર્ટસ એ પણ આ વિડીયો શેર કર્યો છે
કિંગ કોહલી ભલે બેટિંગ કરવામાં અને રન બનાવવામાં નિષ્ફળ રહ્યા છે પણ ટીમ માટે એમના જોશમાં કઈં પણ કમી આવી નથી. ઈંગ્લેન્ડ સામે ચાલી રહેલ ટેસ્ટના ચોથા દિવસે પણ એ ઘણા જોશમાં દેખાયા હતા. એમને જોઈને બીજા ખેલાડીઓ અને ત્યાં હાજર દર્શકો પણ ઘણા જોશમાં આવી જાય છે. ભારત અને ઈંગ્લેન્ડ વચ્ચે ચાલી રહેલ આ મેચમાં ઘણા ઉતાર-ચઢાવ જોવા મળ્યા છે અને ભારતીય ક્રિકેટરોએ ઘણા નવા રેકોર્ડ્સ પણ બનાવ્યા છે.
હાલ ઈંગ્લેન્ડને 378 રનનું લક્ષ્ય આપ્યા પછી ભારતીય ટીમ ફિલ્ડિંગ કરી રહી છે. ફિલ્ડિંગ કરતાં સમયે પૂર્વ કેપ્ટન વિરાટ કોહલી ઘણા જોશમાં જોવા મળ્યા હતા અને એમના જોશીલ અંદાજને જોઈને ત્યાં રહેલ દર્શકો પણ ઘણા જોશમાં આવી ગયા હતા. ઇંગ્લેન્ડે બીજી ઇનિંગમાં ઘણી જબરદસ્ત પારી રમી અને લક્ષ્ય સુધી પંહોચવા માટે વિકેટ ગુમાવ્યા વિના 107 રન બનાવી લીધા હતા. પણ એ પછી ભારતને એક સાથે ત્રણ સફળતા મળી હતી. ઇંગ્લેન્ડે બે રનની અંદર જ વિકેટ ગુમાવવાની શરૂઆત કરી હતી.
જ્યારે એલેક્સ લીસ રનઆઉટ થયા એ સમયે વિરાટ કોહલીનું રીએક્શન જોઈને ત્યાંનાં લોકો ઘણા અચંબિત થયા હતા. વિરાટ કોહલી સ્લીપ પાસે ઊભા હતા અને એ પછી તેઓ પૂરા જોશ સાથે દોડ્યા અને પિચની પણ આગળ નીકળી ગયા. સાથે જ વિરાટે ઘણા જુસ્સામાં હવામાં મુક્કો માર્યો અને વિકેટ લેવાનો જશ્ન મનાવ્યો હતો. મેદાન પર વિરાટ કોહલી તેના આવા જ જોશીલ અંદાજ માટે ચાહકો વચ્ચે ઘણા ફેમસ છે. ઈંગ્લેન્ડના સ્કાઈ સ્પોર્ટસ એ પણ આ વિડીયો શેર કર્યો છે જેને ઘણા લોકોએ જોઈ લીધો છે અને હાલ વિરાટ કોહલીનો એ વિડીયો ઘણો વાયરલ થઈ રહ્યો છે.
ફિલ્ડિંગ કરતી સમયે જ્યારે ટીમ ઈન્ડિયાને પહેલી વિકેટ મળી ત્યારે વિરાટ કોહલીએ ત્યાં હાજર ભારતીય ફેન્સને ઈશારો કરીને ચીયર અપ થવા માટે કહ્યું હતું. જે જોઈને ત્યાં દર્શકોમાં બેઠેલ લોકોમાં ઘણો જોશ આવી ગયો હતો. વિરાટ કોહલી તેમના જુસ્સા માટે જાણીતા છે પણ હાલ ઘણા સમયથી સારા રન બનાવી શક્યા નથી. આ સિરીજની 5 મેચમાં એમને કુલ 249 રન બનાવ્યા છે.