IPLIN
 

એરપ્લેન / એક કલાકમાં પહોંચો અમદાવાદથી મુંબઈ, જાણીલો Akasa Airની શું છે ટિકિટ

Team VTV 07:44 PM, 22 Jul 22
Follow us
reached ahmedabad to mumbai in just one hour with akasa airline fare charge

રાકેશ ઝુનઝુનવાલાની એરલાઈન કંપની અકાસા એર આવતા મહિને ઓગસ્ટથી ઉડાન ભરવા જઈ રહી છે, ત્યારે તેમનું ભાડું કેટલું હશે અને ક્યારથી શરુ થશે તેની માહિતી આવી ચુકી છે.

  • ​​​​ઓગસ્ટથી શરુ થશે રાકેશ ઝુનઝુનવાલાની એરલાઈન
  • મુંબઈ - અમદાવાદ અને બેંગ્લોર - કોચી વચ્ચે શરુ થશે સુવિધા
  • સામાન્ય ભાડું 3000 થી લઈને 4500 વચ્ચે રહેશે

એરલાઈન ઈન્ડસ્ટ્રી સાથે જોડાયેલા એક મોટા સમાચાર આવી રહ્યા છે. રાકેશ ઝુનઝુનવાલાની એરલાઈન કંપની અકાસા એર આવતા મહિને ઓગસ્ટથી ઉડાન ભરવા જઈ રહી છે. જેની માટે બુકિંગ પણ શરૂ થઈ ગયું છે. કંપનીએ આ જાણકારી આજે એટલે કે શુક્રવારે આપી છે. નવી એરલાઇન Akasa Airએ શુક્રવારે જણાવ્યું હતું કે, તે બોઇંગ 737 MAX એરક્રાફ્ટનો ઉપયોગ કરીને 7 ઓગસ્ટે મુંબઇ-અમદાવાદ રૂટ પર તેની પ્રથમ કોમર્શિયલ ફ્લાઇટ શરૂ કરશે.

 

આટલું રહેશે ભાડું :-
મુંબઈથી અમદાવાદ
7 ઓગસ્ટથી અકાસા એરનું એરક્રાફ્ટ મુંબઈથી અમદાવાદ અને રીટર્ન ઉડવાનું શરૂ કરશે. આકાસા એર મુંબઈથી અમદાવાદની ફ્લાઈટ બુધવાર સિવાય દરરોજ ઓપરેટ થશે, મુંબઈથી સવારે 10:5 વાગ્યે ઉપડશે. મુંબઈથી અમદાવાદ ફ્લાઈટનું ન્યૂનતમ ભાડું 4314 રૂપિયાથી શરૂ થાય છે.

અમદાવાદથી મુંબઈ
બુધવાર સિવાય દરરોજ અકાસા એરની ફ્લાઈટ્સ અમદાવાદથી મુંબઈ રૂટ પર ઓપરેટ થશે. ફ્લાઇટ અમદાવાદથી બપોરે 12.5 કલાકે ઉપડશે. અમદાવાદથી મુંબઈની એર ટિકિટની લઘુત્તમ કિંમત રૂ.3906 થી શરૂ થશે.

બેંગ્લોરથી કોચી
7 ઓગસ્ટથી, પ્રથમ અકાસા એર ફ્લાઇટ પણ બેંગ્લોરથી કોચી માટે ઉડાન ભરવાનું શરૂ કરશે. એરક્રાફ્ટ દરરોજ સવારે 7:15 અને 11 વાગ્યે બેંગ્લોરથી કોચી માટે ટેકઓફ કરશે. જેનું લઘુત્તમ ભાડું 3483 રૂપિયાથી શરૂ થશે

કોચીથી બેંગ્લોર
કોચીથી રિટર્ન ફ્લાઈટ સવારે 9:5 વાગ્યે અને બેંગલુરુ બપોરે 1:10 વાગ્યે ઉપડશે. જેનું લઘુત્તમ ભાડું 3282 રૂપિયાથી શરૂ થશે

એરક્રાફ્ટ કેટલા છે
કંપની બે 737 MAX એરક્રાફ્ટ સાથે કોમર્શિયલ ફ્લાઈટ્સ શરૂ કરશે. બોઇંગે એક MAX એરક્રાફ્ટની ડિલિવરી કરી છે અને બીજું આ મહિનાના અંતમાં ડિલિવરી થવાની છે. અકાસા એરના સહ-સ્થાપક અને સીઈઓ પ્રવીણ અય્યરે જણાવ્યું હતું કે, "અમે મુંબઈ અને અમદાવાદ વચ્ચેની ફ્લાઈટ્સ સાથે નવા બોઈંગ 737 MAX એરક્રાફ્ટ સાથે કામગીરી શરૂ કરીએ છીએ." તેમણે કહ્યું, “અમે અમારા નેટવર્કને તબક્કાવાર વિસ્તારીશું. અમે વધુ શહેરોને જોડીશું.

મુસાફરો ક્યાંથી બુકિંગ કરાવી શકે ? 
કંપનીએ કહ્યું કે, મુસાફરો કંપનીની સત્તાવાર વેબસાઇટ akasaair.com પર અથવા Google Play Store પરથી Akasa Air એપ્લિકેશન ડાઉનલોડ કરીને તેમની ફ્લાઇટ ટિકિટ બુક કરી શકે છે. તમને જણાવી દઈએ કે, Akasa Air એ એરલાઈન ઈન્ડસ્ટ્રીમાં પ્રવેશવા માટે સૌથી ઓછી કિંમતની એરલાઈન્સમાંથી એક છે. આ મહિનાની શરૂઆતમાં ડિરેક્ટોરેટ જનરલ ઓફ સિવિલ એવિએશન રેગ્યુલેટરી (DGCA) તરફથી ઓપરેટર સર્ટિફિકેટ મેળવનાર એરલાઈને વિવિધ પોસ્ટ માટે ભરતી પ્રક્રિયા શરૂ કરી દીધી છે.
 

Akasa airlines Rakesh Jhunjhunwala akasa fare ahmedabad Mumbai Kochi
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ