આણંદ જિલ્લા પંચાયતની ચૂંટણીમાં સિંહોલ તાલુકા હેઠળના બોરિયા-1 બૂથ પરથી આવેલા EVM મશિનમાં કોઈ ખામી સર્જાઈ હતી, જે બાદ રિ-વોટિંગ કરાશે.
આણંદ જિલ્લા પંચાયત ચૂંટણીમાં વિવાદ
બોરીયા ગામે ફરી કરાશે મતદાન
બોરીયાના 1 મતદાન મથકમાં ફરી મતદાન
આણંદ જિલ્લા પંચાયતની ચૂંટણીમાં સિંહોલ હેઠળ આવેલા બોરિયા -1 મતદાન મથક પર ફરી ચૂંટણી થશે. 2 તારીખે પરિણામની જાહેરાત થઈ હતી. આ દરમિયાન બોરિયા-1 પરના બૂથ પરથી આવેલા EVM મશિનમાં કોઈ ખામી સર્જાઈ હતી. જે બાદ તેને મેન્યુફેક્ચર કંપનીના એન્જિનિયર દ્વારા તપાસ કરવા માટે પણ મોકલાયું હતું. આમ છતાં EVMમાંથી મતદાનનો ડેટા મેળવી શકાયો નહોતો.
આણંદ જિલ્લા પંચાયતની ચૂંટણીમાં સિંહોલ તાલુકા હેઠળ આવેલા બોરિયા-1 બૂથના EVMના ડેટા મેળવી ન શકાતા. આ બૂથના ઉમેદવારોને ફરી મતદાન કરવું પડશે. જો કે, બૂથના ઉમેદવારોને અન્ય જે જગ્યાએથી મત મળ્યા તેને માન્ય રખાયા છે. માત્ર બોરિયા-1 બૂથ પર નવું મતદાન યોજાશે. જે બાદ કોંગ્રેસ અને ભાજપના બંને ઉમેદવારોની કિસ્મતનો નિર્ણય થશે.
બંને ઉમેદવાર વચ્ચે માત્ર થોડા મતનો તફાવત
કોંગ્રેસના ઉમેદવાર કોકિલાબેન પરમારને 8814 મત મળ્યા છે. જ્યારે ભાજપના નિતાબેન સોનારાને 8357 મત પ્રાપ્ત થયા છે. બંને ઉમેદવાર વચ્ચે 457 મતનો તફાવત છે. તો બોરિયા બૂથ પર 593 મત પડ્યા હતા. બોરિયા બૂથ પર ફરી મતદાનથી બંને ઉમેદવારનું ભાવી નક્કી થશે.