IPLIN
 

IPL 2022 / RCBએ કેપ્ટન બદલ્યો પણ કિસ્મત ન ચમકી, કોહલીનો ધબડકો, તનતોડ મહેનત છતાં IPLમાંથી ફેંકાયું

Team VTV 04:05 PM, 28 May 22
Follow us
rcb was defeated by rajasthan royals

ગઈકાલની રાજસ્થાન રોયલ્સ તથા રોયલ ચેલેન્જર્સ બેંગ્લોર વચ્ચેની મેચમાં બેંગ્લોરની ટીમને હાર મળી અને 14 વર્ષ બાદ રાજસ્થાન રોયલ્સ ફાઈનલમાં પહોંચી છે. જાણો વિગતવાર

  • રાજસ્થાન રોયલ્સ અને રોયલ ચેલેન્જર્સ બેંગ્લોર વચ્ચે રમાઈ મેચ 
  • રોયલ ચેલેન્જર્સ બેંગ્લોરને મળી હાર 
  • રાજસ્થાન રોયલ્સ 14 વર્ષ બાડ ફાઈનલમાં 

રાજસ્થાન રોયલ્સ અને રોયલ ચેલેન્જર્સ બેંગ્લોર વચ્ચે રમાઈ મેચ 

રોયલ ચેલેન્જર્સ બેંગ્લોરનાં ફેન્સ માટે ફરી એક સીઝન દિલ તોડનાર સાબિત થઇ. વિરાટ કોહલીના કેપ્ટન્સી છોડ્યા બાદ ફાફ ડુપ્લેસિસને નવા કેપ્ટન બનાવવામાં આવ્યા હતા. અડધી કરતા વધારે ટીમ બદલાઈ ગઈ હતી. આ વર્ષે એલિમીનેટરની બાધા તો પાર થઇ ગઈ, પરંતુ ફાઈનલ રમવાનું સપનું પૂરું થયું નહીં. આરસીબીની ટીમ ક્વોલિફાયર - 2માં પહોંચી, પરંતુ ત્યાં તેમને હારનો સામનો કરવો પડ્યો. રાજસ્થાન રોયલ્સે સાત વિકેટથી જીત મેળવી લીધી અને 14 વર્ષ બાદ ફાઈનલમાં પોતાની જગ્યા બનાવી. 

આરસીબીને પ્લે ઓફમાં પહોંચાડવામાં ભાગ્યએ પણ સાથ આપ્યો હતો. મુંબઈ ઇન્ડિયન્સે દિલ્હી કેપિટલ્સને હરાવીને આરસીબીને પ્લે ઓફમાં પહોંચાડી દીધી. ત્યાં બીજી તરફ આરસીબીએ મજબૂત લખનૌ સુપર જાયન્ટ્સને હરાવીને સૌને ચોંકાવી દીધા. આરસીબીનાં ફેન્સને લાગ્યું કે તેમની ટીમ આ વર્ષે કમાલ કરી બતાવશે, પરંતુ ભાગ્યએ ક્વોલિફાયર -2માં સાથ ન આપ્યો. આ મેચમાં ન તો દિગ્ગજ બેટ્સમેન વિરાટ કોહલીનું બેટ ચાલ્યું કે ન તો ફાફ ડુપ્લેસિસનું. ઓસ્ટ્રેલિયાનાં ઓલરાઉન્ડર ગ્લેન મેક્સવેલ અને ભારતીય ટીમમાં વાપસી કરનાર દિનેશ કાર્તિકનું બેટ પણ ન ચાલ્યું. 

બીજી બાજુ, રાજસ્થાન રોયલ્સનાં કેપ્ટન સંજૂ સેમસનની પ્રાર્થના ભગવાને સાંભળી લીધી. 15 મેચમાં માત્ર બે ટોસ જીતનાર સેમસને ઈડન ગાર્ડન્સમાં ગુજરાત ટાઈટન્સ સામે હાર બાદ કહ્યું હતું કે તેમને ભાગ્યનાં સાથની જરૂર છે. આ વખતે ભાગ્યએ તેમનો સાથ આપ્યો. સેમસન મહત્વપૂર્ણ મેચમાં ટોસ જીતીને સફળ રહ્યા. તેમના બોલર્સે પીચની મદદથી આરસીબીના દિગ્ગજોને આઉટ કરીને ટીમનો રસ્તો સાફ કરી દીધો. બાકી બચેલું કામ જોસ બટલરે પૂરું કર્યું. એક સીઝનમાં રેકોર્ડ ચોથી સદી ફટકારીને તેમણે ટીમને ફાઈનલમાં પહોંચાડી દીધી. 

મેચનાં ટર્નિંગ પોઈન્ટ્સ 
છેલ્લી પાંચ ઓવરમાં આરસીબીએ બનાવ્યા માત્ર 34 રન 
આરસીબીએ 15 ઓવરમાં ત્રણ વિકેટ પર 123 રન બનાવ્યા હતા. રજત પાટીદાર અને મહિપાલ લોમરોર ક્રીઝ પર હતા. ગત મેચમાં પણ આરસીબીની સ્થિતિ કંઈક આવી જ રહી હતી. ત્યારે દિનેશ કાર્તિક અને પાટીદારે મળીને છેલ્લી પાંચ ઓવરમાં વિસ્ફોટક બેતીન્ગ્કારી હતી. આ મેચમાં આમ બન્યું નહીં. આરસીબીએ 16મી ઓવરમાં પાટીદાર, 18મી ઓવરમાં લોમરોર, 19મી ઓવરમાં દિનેશ કાર્તિક, વાનિંદુ હસરંગા અને 20મી ઓવરમાં હર્ષલ પટેલની વિકેટ ગુમાવી દીધી. પાંચ ઓવરમાં માત્ર 34 રબન જ બનાવ્યા. આરસીબીની ટીમ 25-30 રન પાછળ રહી ગઈ. 

બટલરને મળ્યું જીવનદાન 
રાજસ્થાને 10 ઓવરમાં એક વિકેટ પર 103 રન બનાવ્યા હતા. તેને જીત માટે 10 ઓવરમાં 55 રન બનાવવાના હતા. ટારગેટ સરળ હતો, પરંતુ મેચમાં કંઈપણ બની શકે. વિકેટકીપર દિનેશ કાર્તિકે સરળ કેચ છોડી દીધો. આ કોઇપણ ફિલ્ડર માટે સૌથી સરળ કેચ હતો, પરંતુ કાર્તિક તે કેચ છોડી દીધો. જો બટલર આઉટ થઇ જાત, તો મેચ રોમાંચક સ્થિતિમાં પહોંચી જાત. 

બંને કેપ્ટનનું કેવું રહ્યું પ્રદર્શન?
વિરાટ કોહલીનાં આઉટ થયા બાદ ફાફ ડુપ્લેસિસે ટીમને સંભાળી, પણ ઝડપથી રન ન બનાવી શક્યા. આખરે તેઓ 27 બોલ પર માત્ર 25 રન બનાવીને આઉટ થઇ ગયા. તેમનો સ્ટ્રાઈક રેટ 92.59 રહ્યો. કંઈક આ જ પ્રકારની બેટિંગ સંજૂ સેમસનની પણ રહી. તેમણે યશસ્વી જેસવાલનાં આઉટ થયા બાદ બટલર સાથે ટીમને સંભાળી. સેમસન 21 બોલ પર 23 રન બનાવીને આઉટ થઇ ગયા. તેમનો સ્ટ્રાઈક રેટ 109.52 રહ્યો. 

આઈપીએલ 2022 IPL 2022 રાજસ્થાન રોયલ્સ રોયલ ચેલેન્જર્સ બેંગ્લોર Gujarati News
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ