આઇપીએલ માં RCB વિરુદ્ધ KKR ની મેચ દરમિયાન ડેબ્યુટન્ટ વેંકટેશ ઐયરને કેપ્ટન કોહલીએ ટિપ્સ આપી હતી. બાદમાં વેંકટેશે શાનદાર પ્રદર્શન કરતાં 27 બોલમાં 41 રન ફટકાર્યા હતા.
આઈપીએલનું બીજું ચરણ શરૂ થઈ ગયું છે. ઓમાન અને દુબઈમાં રમાઈ રહેલી આઈપીએલની બીજી મેચ RCB અને KKR વચ્ચે રમાઈ હતી. કેપ્ટન કોહલીની કેપ્ટન્સી હેઠળ આ બેંગલોર છેલ્લી આઈપીએલ રમી રહી છે ત્યારે કોલકાતાના એક નવા સ્વ બેટ્સમેને જોરદાર બેટિંગ કરીને મેચ જિતાડી હતી.
આ બેટ્સમેન એટલે આઈપીએલમાં પોતાની ડેબ્યૂ મેચ રમતો વેકટેશ ઐયર. વેંકટેશ મેચ અગાઉ કોહલી પાસે ગયો હતો અને કોહલીએ તેને કેટલીક ટિપ્સ આપી હતી. આ ઘટનાના ફોટોઝ પણ સોશ્યલ મીડિયામાં વાયરલ થયા હતા.
વેંકટેશ ઓપનિંગમાં જ ઉતર્યો હતો અને ટાર્ગેટ ઓછો હોવાથી તે એકદમ ફ્રી થઈને તણાવ રહિત પોતાની નેચરલ જેમ રમવામાં સફળ રહ્યો હતો. તેણે માત્ર 27 બોલમાં 41 રન ફટકાર્યા હતા અને આરસીબીને હરવવામાં મહત્વની ભૂમિકા ભજવી હતી. તેની ઇનિંગમાં એક છક્કો અને સાત ચોકાનો પણ સમાવેશ થાય છે.
કોલકાતાની ટીમે શેર કર્યો વિડીયો
આ વિડીયો કોલકાતાની ટીમે પોતાના ઓફિશ્યલ હેન્ડલમાંથી શેર કર્યો હતો. તેમણે લખ્યું હતું કે "ડ્રીમ ડેબ્યૂ+ બેસ્ટ વ્યક્તિ પાસેથી શીખવા મળ્યું. વેંકટેશ માટે આ યાદગાર રાત રહી".
રોયલ ચેલેન્જર્સ પહેલા બેટિંગ કરીને 92 રન બનાવ્યાં હતા. 93 રનનો પીછો કરવા ઉતરેલી કોલકાતાની ટીમે ફક્ત 10 ઓવરમાં 1 વિકેટના ભોગે 93 રન બનાવી લીધા હતા. શુભમન ગીલે 48 રનોની ઈનિંગ ખેલી હતી જ્યારે આઈપીએલમાં ડેબ્યૂ કરી રહેલા વેંકટેશ અય્યરે અણનમ રહીને 41 રન બનાવ્યાં હતા. બેંગલોરના બેટ્સમેન વરુણ ચક્રવર્તી અને આંદ્ર રસેલેની સામે ઘૂંટણીય પડ્યાં જેને કારણે આરસીબીની આખી ટીમ ફક્ત 92 રનમાં ઓલઆઉટ થઈ ગઈ હતી.