IPL / IPLમાં આવી રહ્યો છે ધમાકેદાર બેટ્સમેન, પલટાઈ જશે RCBની કિસ્મત!

• IPLમાં આવી રહ્યો છે ધમાકેદાર બેટ્સમેન
• 25 વર્ષીય ડેવિડે સખત પરિશ્રમ કરી પોતાની પ્રતિષ્ઠા બનાવી
• ઈન્ડિયન પ્રીમિયર લીગનો કોન્ટ્રાક્ટ પ્રાપ્ત કરનારા સિંગાપુરના પ્રથમ ક્રિકેટર

કોરોનાએ અપાવ્યો કોન્ટ્રાક્ટ

લોકડાઉનને પગલે વર્ષ 2020 તેઓ ઘરમાં જ રહ્યાં હતા. પરંતુ ચાલુ વર્ષે કોરોના મહામારીને પગલે તેમનું નસીબ ચમક્યુ અને આઈપીએલનો કોન્ટ્રાક્ટ હાથમાં લાગ્યો. 25 વર્ષીય ડેવિડે સખત પરિશ્રમ કરી પોતાની પ્રતિષ્ઠા બનાવી છે. કેરેબિયન પ્રીમિયર લીગમાં લાંબા-લાંબા છગ્ગા ફટકારનારા ટી-20 ટીમના આ પાવર હીટર હવે કોહલીની સાથે જોવા મળશે. રોયલ ચેલેન્જર્સ બેંગ્લોરે ડેવિડનો પોતાની ટીમમાં સમાવેશ કર્યો છે. ઈન્ડિયન પ્રીમિયર લીગનો કોન્ટ્રાક્ટ પ્રાપ્ત કરનારા તેઓ સિંગાપુરના પ્રથમ ક્રિકેટર બન્યાં છે.

ડેવિડે ધીરે-ધીરે પોતાની અલગ ઓળખ પ્રસ્થાપિત કરી

ટેસ્ટ ન રમતા હોય તેવા દેશોમાંથી આઈપીએલમાં આવવુ ટીમના ખેલાડીઓ માટે કોઈ મોટી સિદ્ધીથી ઓછુ નથી. CPLની ફાઈનલ ગુમાવનારી સેન્ટ લૂસિયા કિંગ્સના લોઅર ઓર્ડર બેટ્સમેન ડેવિડે પર્થમાં ક્રિકેટ રમી. પશ્ચિમી ઓસ્ટ્રેલિયાની ટીમ તરફથી જ્યારે કોઈ કાંઠુ ઉકાળવામાં આવ્યું નહીં ત્યારે પોતાના પિતાની જેમ સિંગાપુર શિફ્ટ થઇ ગયા. જ્યાં તેમણે ધીરે-ધીરે પોતાની અલગ ઓળખ પ્રસ્થાપિત કરી છે.

આ રીતે બની કારકિર્દી

ટૂંક સમયમાં ઓસ્ટ્રેલિયાની ટી-20 લીગ બિગબેસમાં તક મળી. ડિસેમ્બર-જાન્યુઆરીમાં હોબાર્ટ હરીકેન્સ તરફથી કારકિર્દીએ ઉડાન ભરી. ત્યારબાદ છેલ્લાં સમયે પાકિસ્તાન સુપર લીગમાં અવેજી તરીકે તેમને એન્ટ્રી મળી. ત્યાંથી તેઓ નેધરલેન્ડમાં ગયા અને ત્યાં ક્લબ ક્રિકેટ રમી. ત્યારબાદ ઈંગ્લેન્ડ તરફથી આમંત્રણ મળ્યું. જ્યાં ટી-20 અને વન-ડે મેચમાં તેમણે પોતાનું બળ પ્રસ્થાપિત કર્યુ. છેલ્લા સમયે ફરીથી ધ હન્ડ્રેડ તરફથી કોલ આવ્યો. અહીં ટીમ ફાઈનલમાં પહોંચી અને જીત પણ મળી.