નિવેદન / કિસાન ક્રેડિટ કાર્ડને લઈને મંત્રી આર.સી ફળદુનું મહત્વનું નિવેદન, ખેડૂતોને સહાય મામલે જુઓ શું કહ્યું

• ''કિસાન કાર્ડની કામગીરી પૂરજોશમાં''
• ''28 લાખ કિસાન ક્રેડિટ કાર્ડ અપાયા''
• ''25 લાખ ખેડૂતોને સહાય ચૂકવાઇ''

કૃષિ મંત્રી આર.સી.ફળદુએ ખેડૂતોની યોજનાઓને લઇ વિવિધ માહિતી આપી. કૃષિ મંત્રી આર.સી.ફળદુએ કહ્યું કે કિસાન કાર્ડની કામગીરી પૂરજોશમાં ચાલી રહી છે. અત્યાર સુધી 28 લાખ કિસાન ક્રેડિટ કાર્ડ અપાયા છે. અને 25 લાખ ખેડૂતોને સહાય ચૂકવાઇ છે.

કમોસમી વરસાદથી નુકસાનની 32 લાખથી વધુ અરજીઓ મળી. ત્યારે સહાય ચૂકવણીમાં એકપણ પરિયાદ નથી મળી. આ ઉપરાંત ટેકાના ભાવે મગફળી ખરીદીમાં કોઇ ફરિયાદ નથી મળી. કુલ 47.70 લાખ ખેડૂતોના કુલ 3132 કરોડ રૂપિયા જમા થયા છે. 

શું કહ્યું R. C. ફળદુએ?
આર.સી.ફળદુએ કહ્યું કે છેલ્લા દોઢ મહિનામાં 6700 કરોડની રકમ જમા થઈ છે. પાર્દર્શિતાથી ખેડૂતોના ખાતામાં પૈસા જમા થયા છે. કુલ 2.41 લાખ ખેડૂતો પાસેથી મગફળી ખરીદાઇ છે. અને જેને ભૂલ કરી તેની સામે કાર્યવાહી કરવામાં આવી છે. અમે હંમેશા ખેડૂતોની મદદ કરતા રહીશું.