ભારતીય રિઝર્વ બેંકે (RBI) બુધવારે તમામ ગ્રાહકોને એેલર્ટ કર્યા છે. તેઓએ કહ્યું કે તમે તમારા ડિજિટલ પ્લેટફોર્મ કે મોબાઈલ એપની મદદથી લોન લેવા માટે એેપ્લાય કરો છો તો તમારી સાથે ફ્રોડ થઈ શકે છે તો તમારે સાવધાન રહેવાની જરૂર છે.
RBIએ તમામ ગ્રાહકોને કર્યા એલર્ટ
આ એપ્સના ઉપયોગમાં સાવધાની રાખવાની જરૂર
મોબાઈલ એપની મદદથી લોન લેતા રાખો સાવધાની
RBIએ કહ્યું કે જો તમે ડિજિટલ પ્લેટફોર્મ કે મોબાઈલ એપની મદદથી લોન લેવા માટે એપ્લાય કરી રહ્યા છો તો તમારે સાવધાન રહેવાની જરૂર છે. તેનાથી તમારા ડોક્યૂમેન્ટ્સ સાથે દગાખોરી થઈ શકે છે.આ સિવાય ઉંચા વ્યાજે લોન આપવામાં આવે છે. તેમાં રૂપિયાની રિકવરીની રીત પણ ખોટી હોય છે.
આ રીતે લોન લેવાથી બચો
રિઝર્વ બેંક ઓફ ઈન્ડિયાએ એવા મોબાઈલ એપ અને ડિજિટલ પ્લેટફોર્મથી વ્યક્તિગત રીતે નાના વ્યવસાય માટે અનાધિકૃત લોન લેવાથી બચવું જે તરત અને કોઈ પણ પ્રોસેસ વિના રૂપિયા આપવાનો વાયદો કરે છે.
વધુ વ્યાજ પર મળે છે લોન
રિઝર્વ બેંકે કહ્યું કે આ પ્રકારની લોન લેનારા ગ્રાહકોને વધારે દરે વ્યાજ ચૂકવવું પડે છે. તેમાં અનેક પ્રકારના વધારાના ચાર્જ છૂપાયા હોય છે. આ સાથે જ ફોનની મદદથી તમારા પર્સનલ ડેટાને પણ ખોટી રીતે યૂઝ કરી શકાય છે.
સામાન્ય જનતાને અપાયું એલર્ટ
કેન્દ્રીય બેંકે કહ્યું કે સામાન્ય લોકોને એલર્ટ કરાઈ રહ્યા છે કે આ પ્રકારની દગાખોરી અને ઓનલાઈન કે મોબાઈલ એપના માધ્યમથી કંપની કે ફર્મને જાણ્યા વિના તેની સાથેના વ્યવહારને ટાળવો યોગ્ય છે.
અજાણી વ્યક્તિને ન આપો કોઈ જાણકારી
ગ્રાહકોએ ક્યારેય પણ કેવાઈસી ડોક્યુમેન્ટ્સ કોઈ અજાણી વ્યક્તિ, અનાધિકૃત એપને ન આપવા. આવી ઘટનાઓને વિશે કાયદાકીય એજન્સીને જાણ કરવી.
બેંક આરબીઆઈ સાથે રજિસ્ટર્ડ બિન બેંકિંગ નાણાંકીય કંપનીઓ અને અન્ય સંસ્થાઓ જે રાજ્ય સરકારના પ્રાવધાન આધારે કામ કરે છે તેમની પાસેથી લોન લઈ શકાય છે.