સુવિધા / RBIની મોટી રાહત : હવે ઑફલાઈન પણ કાર્ડ અને મેબાઈલથી પેમેન્ટ કરી શકશો, જાણો પ્રોસેસ

• મર્યાદિત રકમના ટ્રાન્સેકશન માટે આવશે સ્કીમ 
• હવેથી નહીં નડે ઓછી કનેક્ટિવિટી નો પ્રોબ્લેમ 
• કોન્ટેક્ટલેસ પેમેન્ટ માટે બનાવાશે સિસ્ટમ 

દેશમાં લાદવામાં આવેલા લોકડાઉન અને કોરોનાના કારણે પણ ડિજિટલ વ્યવહારોને વેગ મળ્યો છે. વિવિધ મોબાઈલ એપ્લિકેશનો અને વૉલેટ્સ દ્વારા આ ક્ષેત્રમાં વ્યાપક પ્રગતિ નોંધાઈ છે, જો કે હજી પણ દેશમાં આ ક્ષેત્રને અવરોધતા ઘણા પરિબળો મોજૂદ છે. જેમાં ઓછી કનેક્ટિવિટી વાળ વિસ્તારો અને પેમેન્ટ ગેટ વે સાથે વ્યવસ્થિત કનેક્શન ન સ્થપાવાને લીધે ઘણી મુશ્કેલીઓ પડે છે. આ સ્થિતિને દૂર કરવા માટે RBI દ્વારા એક પાયલોટ પ્રોજેક્ટ લાવવા માટેની વિચારણા કરવામાં આવી રહી છે જેમાં ગ્રાહકોના હિતો અને નાણાકીય વ્યવહારોને સુરક્ષિત રખાશે, તેમ જ પેમેન્ટ સિસ્ટમ ઓપરેટર્સ અને વિવિધ બેન્કો અને નોન બેન્કિંગ કમ્પનીઓ ઓફલાઇન પેમેન્ટના વિકલ્પો આપવા માટે સક્ષમ બનશે. 

કેવી રીતે કામ કરશે સિસ્ટમ?

આ સિસ્ટમમાં કાર્ડ્સ દ્વારા પેમેન્ટ કર્યા પર તેનો ડેટા  એક ટર્મિનલમાં સુરક્ષિત રાખવામાં આવે છે.જે ડેટાથી એક રિસીપ્ટ પણ નીકળે છે જેમાં વ્યવહારની 'વિગતો હોય . જ્યારે પણ ઈન્ટરનેટ કનેક્શન એસ્ટાબ્લીશ થાય ત્યારે આ ડેટા તેના પ્રોસેસિંગ માટે  પેમેન્ટ પ્લેટફોર્મને આગળ મોકલવામાં આવે છે. જો કે આ પરિસ્થિતિમાં RBI દ્વારા એ પણ સુનિશ્ચિત કરવાંમાં આવશે કે વધુમાં વધુ લોકો અને સંસ્થાઓ દ્વારા ઓફલાઇન પેમેન્ટને ઉપલબ્ધ કરાવવામાં આવે. 

જો કે આ સેવા નીચેની આપેલી આ શરતોને આધીન રહેશે .

• પેમેન્ટ કાર્ડ, વૉલેટ અને મોબાઈલ ડિવાઈસ અથવા અન્ય ચૅનલના માધ્યમથી થઈ શકશે. 
• પેમેન્ટ્સ રિમોટ અને પ્રોક્સિમિટી મોડથી પણ થઈ શકશે. 
• પેમેન્ટ્સ ટ્રાન્ઝેક્શન કોઈ પણ AFA (Additional Factor Authentication) એટલે કે વધારાના કોઈ ઓથેન્ટિકેશન વગર ઓફર કરી શકાશે. 
• પેમેન્ટ ટ્રાન્ઝેક્શનની અપર લિમિટ રૂ. 200 હશે.
• ઓફલાઈન ટ્રાન્ઝેક્શનની કુલ લિમિટ કોઈ પણ ઈન્સ્ટ્રુમેન્ટ પર 2000 રૂપિયા હશે. લિમિટ ફરીથી સેટ AFA સાથે ઑનલાઈન મોડમાં કરી શકાશે.
• PSO યુઝર્સને રિયલ ટાઈમ ટ્રાન્ઝેક્શન અલર્ટ મોકલશે
• કોન્ટેક્ટલેસ પેમેન્ટ્સમાં EVM મશીનના ધોરણોનું પાલન કરવાનું રહેશે
• ઓફલાઈન મોડમાં AFA વગર પેમેન્ટ કરવું કે નહીં તે યુઝર પોતાની પસંદગી પ્રમાણે નક્કી કરશે.