કાર્યવાહી / RBIએ દેશની આ 9 બેંકોને ફટકાર્યો રૂપિયા લાખોનો દંડ, જો-જો ક્યાંક તમારું એકાઉન્ટ તો નથી ને આમાં!

• આ વખતે RBIએ 9 બેંકો સામે કડક કાર્યવાહી કરી
• 9 સહકારી બેંકો પર 11.60 લાખ રૂપિયાનો દંડ લાદવામાં આવ્યો
• એક બેંકનું લાઇસન્સ રદ કર્યું 

RBI હંમેશા દેશભરની દરેક બેંકો પર નજર રાખે છે અને જ્યારે પણ તેને કોઈ ગેરરીતિ કે ગડબડીની શંકા જાય ત્યારે તે બેંક સામે તાત્કાલિક કાર્યવાહી કરે છે. જણાવી દઈએ કે આ વખતે RBIએ 9 બેંકો સામે કડક કાર્યવાહી કરી છે. આ વખતે ભારતીય રિઝર્વ બેંક (RBI) એ બેંકિંગ નિયમોનું ઉલ્લંઘન કરવા બદલ 9 સહકારી બેંકો પર લગભગ 12 લાખ રૂપિયાનો દંડ ફટકાર્યો છે. આરબીઆઈએ  સોમવારે જારી કરેલ અલગ અલગ રીલીઝમાં જણાવ્યું હતું કે 9 સહકારી બેંકો પર 11.60 લાખ રૂપિયાનો દંડ લાદવામાં આવ્યો છે .

ભારતીય રિઝર્વ બેંકે બેરહામપુર સહકારી અર્બન બેંક ઓડિશા પર 3.10 લાખ રૂપિયા, ઉસ્માનાબાદ જનતા સહકારી બેંક મહારાષ્ટ્ર પર 2.5 લાખ રૂપિયા અને સંતરામપુર અર્બન કો-ઓપરેટિવ બેંક લિમિટેડ ગુજરાત પર 2 લાખ રૂપિયાનો દંડ ફટકાર્યો છે. આ ઉપરાંત ડિસ્ટ્રિક્ટ કોઓપરેટિવ સેન્ટ્રલ બેંક મર્યાદિત, મધ્યપ્રદેશ, જમશેદપુર અર્બન કોઓપરેટિવ બેંક લિમિટેડ, ઝારખંડ અને રેણુકા નાગરિક સહકારી બેંક મર્યાદિત, છત્તીસગઢને એક-એક લાખ રૂપિયાનો દંડ ફટકાર્યો છે.

આ સાથે જ ક્રિષ્ના મર્કેન્ટાઇલ કો-ઓપરેટિવ બેંક લિમિટેડ, મધ્યપ્રદેશ અને કેન્દ્રપારા અર્બન કો-ઓપરેટિવ બેંક લિમિટેડ, ઓડિશા પર પણ 50,000 રૂપિયાનો દંડ ફટકાર્યો છે. આ સાથે નવાનગર કો-ઓપરેટિવ બેંક લિમિટેડ ગુજરાત પર 25,000 રૂપિયાનો દંડ ફટકાર્યો છે. આ વિશે આરબીઆઈએ કહ્યું છે કે આ કાર્યવાહી નિયમનકારી અનુપાલનમાં ખામીઓ પર આધારિત છે. જણાવી દઈએ કે આ દંડનો હેતુ બેંક દ્વારા ગ્રાહકો સાથે કરવામાં આવેલા કોઈપણ વ્યવહાર અથવા કરારની માન્યતા પર પ્રશ્ન કરવાનો નથી.

એક બેંકનું લાઇસન્સ રદ કર્યું 
ભારતીય રિઝર્વ બેંક દેશની દરેક સરકારી અને બિન સરકારી બેંકો પર નજર રાખે છે. અને ક્યારેય કોઈ પણ ભૂલ કે બેંક તેના દ્વારા બનાવેલા નિયમોનો ભંગ કરે છે તો તેની સામે કડક કાર્યવાહી કરે છે. આરબીઆઈએ આ 9 બેંક પર દંડ લગાવ્યો છે પણ આ કડકતા ગ્રાહકોને અસર કરશે નહીં. જણાવી દઈએ કે થોડા દિવસો પહેલા આરબીઆઈએ બાબાજી દાતે મહિલા સહકારી બેંક લિમિટેડનું લાઇસન્સ રદ કર્યું હતું.