ફટકો / લૉકડાઉનમાં SBIએ કર્યા આ નિયમમાં ફેરફાર, ખાતેદારોને થશે મોટું નુકસાન

• SBIએ કર્યા આ નિયમમાં ફેરફાર
• FDના વ્યાજદરમાં ઘટાડો કર્યો
• SBIમાં એફડી હશે તો ઓછું વ્યાજ મળશે

જાણો કેટલો થશે વ્યાજમાં ઘટાડો

SBIએ 2 કરોડ રૂપિયાથી ઓછી રિટેલ એફડી પર વ્યાજ દર 0.50 ટકા સુધી ઘટાડ્યો છે. આ નવો વ્યાજદર 28 માર્ચ એટલે કે આજથી લાગૂ થશે. એક મહિનામાં બીજી વખત આ વ્યાજદર ઘટાડવામાં આવ્યા છે. આ પહેલાં 10 માર્ચે પણ વ્યાજદરમાં ઘટાડો કરવામાં આવ્યો હતો. 

આ પ્રકારે રહેશે નવા વ્યાજદર

7-45 દિવસ માટે - 3.5 ટકા
46-179 દિવસ માટે - 4.5 ટકા
180-210 દિવસ માટે - 5 ટકા
211 દિવસથી -1 વર્ષથી ઓછા સમય માટે - 5 ટકા
1 વર્ષથી 10 વર્ષના સમય માટે પણ વ્યાજ દર 5.7 ટકા નક્કી કરાયો છે.

સિનિયર સિટીઝનને વધારે નુકસાન

થોડા સમય અગાઉ દરેક બેંકોએ એફડીના વ્યાજના દરમાં ઘટાડો કર્યો હચો. સૌથી વધારે નુકસાન સિનિયર સિટીઝનને થાય છે. આ વર્ગ એફડીના વ્યાજની આવક પર નિર્ભર હોય છે. SBIએ રેપોરેટમાં 0.75 ટકાના ઘટાડાનો લાભ પોતાના ગ્રાહકોને પહોંચાડવાનો નિર્ણય લીધો છે. બેંકના નવા દર 1 એપ્રિલથી લાગૂ થશે. આ પછી રિટેલ લોન સસ્તી થશે.