સુપ્રીમ કોર્ટના આદેશના 4 વર્ષ બાદ આખરે RBI એ 30 મોટા બેંક ડિફોલ્ટરના નામ જાહેર કર્યા છે. આ ડિફોલ્ટર પાસેથી કુલ 50 હજાર કરોડ રૂપિયા વસૂલવાના બાકી છે. RBI ની યાદીમાં સૌથી ઉપર ગીતાંજલિ જેમ્સનું નામ છે. જ્યારે ડાયમંડ પાવર ઇન્ફ્રાસ્ટ્રકચર છેલ્લા નંબરે છે.
RBIએ બેંક ડિફોલ્ટરની યાદી કરી જાહેર
દેશના 30 મોટા બેંક ડિફોલ્ટરની યાદી જાહેર
નિરવ મોદી, મેહુલ ચોક્સી અને વિજય માલ્યાની કંપની પણ સામેલ
RBIની યાદી મુજબ ગીતાંજલિ જેમ્સ પાસેથી 5044 કરોડની રકમ વસૂલવાની છે. જ્યારે ડાયમંડ પાવર ઇન્ફ્રાસ્ટ્રકચ પાસેથી 869 કરોડ વસૂલવાના બાકી છે. આ યાદીમાં હીરા કારોબારી મેહૂલ ચોક્સી અને નિરવ મોદીની કંપનીનું પણ નામ છે.
સિબિલ ડેટા મુજબ 2018 સુધી 11 હજાર કંપનીઓ પાસેથી 1.61 લાખ કરોડથી વધુ રકમ વસૂલવાની હતી. ડિફોલ્ટરની યાદીમાં ગીતાંજલી જેમ્સ, રોટોમેક ગ્લોબલ, જૂમ ડેવલપર્સ, ડેક્કન ક્રોનિકલ હોલ્ડિંગ્સ, વિનસમ ડાયમંડ, REI એગ્રો જેવી મોટી કંપનીઓ છે. જ્યારે આ યાદીમાં વિજય માલ્યાની કિંગફિશર એરલાઇન્સનું નામ પણ છે.
RBI એ 30 ડિફોલ્ટર કંપનીઓની યાદી જાહેર કરી તેના પર બાકી રકમની જાણકારી આપી છે પરંતુ તેમાં એ નથી જણાવ્યું કે કેટલી રકમ બેડ લોન છે. RBI દ્વારા ધ વાયર ની સૂચનાના અધિકાર હેઠળ માગવામાં આવેલી જાણકારી હેઠળ 30 મોટા બેંક ડિફોલ્ટરના નામ જાહેર કર્યાં છે. મે 2019માં દાખલ કરાયેલી RTI અરજીના જવાબમાં RBI એ 30 એપ્રિલ 2019 સુધીના મોટા 30 ડિફોલ્ટરની યાદી આપી છે.