ફિચર ફોનમાં યુપીઆઈ બેસ્ડ પેમેન્ટ સિસ્ટમ ઉપલબ્ધ કરાવવાને લઈને કામ ચાલી રહ્યું છે.
RBIનું મોટું એલાન
ડિજિટલ પેમેન્ટ બનશે સરળ
ફિચર ફોનમાં પણ કરી શકાશે ઉપયોગ
UPIએ ભારતમાં ડિજિટલ પેમેન્ટને (Digital Payment) વધારવામાં મદદ કરી છે. ઈન્ટરનેટ (Internet) અને સ્માર્ટફોનની (Smartphone) સરળ પહોંચે ડિજિટલ પેમેન્ટની ગામે ગામ સુધી પહોંચ બનાવી છે. જોકે હજુ પણ ભારતમાં આવા લોકોની સંખ્યા વધારે છે. જે હજુ પણ ફિચર ફોનનો ઉપયોગ કરે છે. રિઝર્વ બેન્ક (RBI) હવે આવા લોકોની પણ યુપીઆઈની સુવિધા આપવાનો પ્લાન કરી રહ્યું છે.
કરોડો લોકોને મળશે આ સુવિધા
ડિસેમ્બરની મૌદ્રિક નીતિ સમિતિની બેઠક બાદ RBI ગવર્નર શક્તિકાંત દાસે (RBI Governor Shaktikant Das) જણાવ્યું કે ફિચર ફોનમાં યુપીઆઈ બેસ્ડ પેમેન્ટ સિસ્ટમ ઉપલૂ્ધ કરાવવાને લઈને કામ ચાલી રહ્યું છે. તેનાથી ડિજિટલ પેમેન્ટની પહોંચ વધુમાં વધુ લોકો સુધી થશે. રિઝર્વ બેન્ક આ પેમેન્ટ સિસ્ટમનું ટ્રાયલ કરી ચુકી છે. જલ્દી જ ફીચર ફોનના યુઝર પણ UPI પેમેન્ટ કરી શકશે.
ઓક્ટોબરમાં UPIથી થયુ રેકોર્ડ ટ્રાન્ઝેક્શન
ઉલ્લેખનીય છે કે ભારતમાં યુપીઆઈ પેમેન્ટ સરળ હોવાના કારણે ઝડપથી લોકપ્રિય થઈ રહ્યું છે. હાલની એક રિપોર્ટ અનુસાર સપ્ટેમ્બર ત્રિમાહીમાં UPI ટ્રાન્ઝેક્શનમાં વોલ્યુમ વાઈઝ 103 ટકા અને વેલ્યુ વાઈઝ 100 ટકાનો વધારો નોંધવામાં આવ્યો છે. ઓક્ટોબર મહિનામાં UPI પેમેન્ટ વોલ્યુમ બન્ને રીતે રેકોર્ડ સ્તર પર પહોંચી ગયું. આ સમયે ચાર બિલિયન ટ્રાન્ઝેક્શન કરવામાં આવ્યા, જેમાંથી 7.71 ટ્રિલિયન રૂપિયાનું લેવડ-દેવડ થયું.