ફેરફાર / RBIએ લીધા આ 5 મોટા નિર્ણય, બેંક ખાતેદારોને આ કામમાં આવી શકે છે મુશ્કેલી

• RBIએ કર્યા 5 મોટા ફેરફાર
• બેંક ખાતેદારોને સર્જાઈ શકે છે મોટી મુશ્કેલી
• જાણો RBIએ કયા 5 નિયમમાં શુ કર્યા ફેરફાર

ગોલ્ડ લોન 

RBIએ ગોલ્ડ જ્વેલરી પર ઉધારની રકમને વધારી છે. હવે ગોલ્ડ પર 90 ટકા સુધીનું ઉધાર મળી શકશે, સોનાની કિંમતના 75 ટકા સુધીની લોન મળી શકશે, તમે જે બેંક કે નોન બેંકિંગ ફાયનાન્સ કંપનીમાં ગોલ્ડ લોનની અરજી કરો છે તો પહેલાં સોનાની ગુણવત્તાની તપાસ કરો. સોનાની ગુણવત્તાના આધારે લોનની રકમ નક્કી કરાય છે. સામાન્ય રીતે બેંક સોનાની કિંમતના 75 ટકા સુધીની લોન આપે છે. 

ચેક પેમેન્ટ સિસ્ટમ
RBIએ ચેક પેમેન્ટ સિસ્ટમમાં પણ ફેરફાર કર્યા છે. RBI દ્વારા 50000 રૂપિયા કે તેનાથી વધારેના ચેક આપવા માટે આ સિસ્ટમ લાગૂ કરાશે. આ સિસ્ટમમં પોઝિટિવ પેની સિસ્ટમ લાગૂ કરાશે. તેમાં જે ખાતેદાર ચેક આપે છે તે સમયે તેના ગ્રાહક દ્વારા આપવામાં આવેલી જાણકારીના આધારે ચેકને બેંકમાં ભરતા પહેલાં ગ્રાહકનો સંપર્ક કરાશે. આ નવી સિસ્ટમમાં ગ્રાહકો સાથે દગાખોરીની સમસ્યાને રોકી શકાસે. આ પોઝિટિવ પે સિસ્ટમના આધારે લાભાર્થીને ચેક આપતાં પહેલાં તમારે ચેકની વિગત, આગળ અને પાછળના ફોટો બેંક સાથે શેર કરવાના રહેશે. 

ઓફલાઈન રિટેલ પેમેન્ટ

હવે કાર્ડ કે મોબાઈલની મદદથી ડિજિટલ પેમેન્ટ વિના ઈન્ટરનેટ કનેક્ટિવીટીથી પણ કરી શકાશે. રિઝર્વ બેંકે ગુરુવારે ડિજિટલ ટ્રાન્ઝેક્શનને વધારવા માટે ઓફલાઈન રિટેલ પેમેન્ટ્સની એક પાયલટ સ્કીમને મંજૂરી આપવાની જાહેરાત કરી છે. આ પ્રોજેક્ટના આધારે જે જગ્યાએ ઈન્ટરનેટ કનેક્ટીવીટી નથી ત્યાં પણ ડેબિટ, ક્રેડિટ કે મોબાઈલ ડિવાઈસથી લેનદેન કરી શકાશે. 

ODR સિસ્ટમ

દેશમાં ડિજિટલ ટ્રાન્ઝેક્શન ઝડપથી વધી રહ્યું છે. આ સાથે જ સમસ્યાઓ પણ વધી રહી છે. જે ડિજિટલ ટ્રાન્ઝેક્શન ફેલ રહ્યા છે તેને માટે આ ઓનલાઈન ડિસ્પ્યૂટ રિઝોલ્યૂશન એટલે કે ODR સિસ્ટમ બનાવાઈ છે. ઓનલાઈન ટ્રાન્ઝેક્શન સાથે જોડાયેલી સમસ્યાને ઉકેલવા માટે આ નવો ઉપાય છે. શરૂઆતના સમયમાં ઓથરાઈઝ્ડ પીએસઓને ODR સિસ્ટમને લાગૂ કરવાની રહેશે. 

રિઝર્વ બેંક ઓફ ઈન્ડિયાએ ગુરુવારે સ્ટાર્ટઅપ્સને પ્રાયોરિટી સેક્ટર લેન્ડિંગમાં સામેલ કર્યું છે. આ પગલાંથી સ્ટાર્ટઅપને બેંકથી ફંડ મેળવવામાં સરળતા રહેશે. અત્યાર સુધી ખેતી,  MSME, શિક્ષણ, હાઉસિંગનો તેમાં સમાવેશ કરાયો હતો.