આજથી RBIના ગવર્નરની અધ્યક્ષતામાં ત્રણ દિવસીય મોનેટરી પોલિસીની બેઠક

રિઝર્વ બેન્ક ઓફ ઇન્ડિયા ફુગાવામાં નરમાઈને જોઇ આ સપ્તાહના અંતે મોનેટરી પોલિસીની બેઠકમાં નીતિગત વ્યાજદરમાં ૦.૨૫ ટકાનો ઘટાડો કરી શકે છે.

આરબીઆઇના ગવર્નરની અધ્યક્ષતામાં છ સભ્યોની મોનેટરી નીતિ સમિતિની ત્રણ દિવસની બેઠકનો આજથી પ્રારંભ થાય છે અને વ્યાજદરની જાહેરાત ૭ ફેબ્રુઆરીએ કરવામાં આવશે. 

એક રિસર્ચ રિપોર્ટમાં જણાવાયું છે કે રિઝર્વ બેન્ક ફેબ્રુઆરીમાં પોતાના વલણમાં બદલાવ કરશે એવી આશા છે જોકે દરમાં વૃદ્ધિ થવાની શક્યતા ઓછી જ છે પરંતુ ૭ ફેબ્રુઆરીએ આરબીઆઇ નીતિગત વ્યાજદરમાં ૦.૨૫ ટકાનો કાપ મૂકે તો આશ્ચર્ય થશે નહીં. 

હાલ રિઝર્વ બેન્કનો પોલિસી રેટ (રેપો) ૬.૫૦ ટકા છે. રિઝર્વ બેન્કે ઓગસ્ટ-૨૦૧૮માં રેપો રેટમાં ૦.૨૫ ટકાનો વધારો કરીને ૬.૫૦ ટકા કર્યો હતો. હાલ ફુગાવાનો દર નીચો હોવાથી રિઝર્વ બેન્ક આ વખતે ૦.૨૫ ટકા વ્યાજદરમાં ઘટાડો કરી શકે છે.