કામની વાત / આ તારીખે ખતમ થઈ રહી છે લોન પર EMIની છૂટ, સસ્તી EMI માટે કરવું પડશે આ કામ

• 31 ઓગસ્ટે સમાપ્ત થશે RBI મોરેટોરિયમની સીમા
• RBIએ 3 મહિનાની લોન મોરેટોરિયમની જાહેરાત કરી હતી
• લોન રીસ્ટ્રક્ચરિંગની સુવિધા લેવા કરવાનું રહેશે આ કામ

અન્ય ચરણમાં ઓછા લોકોએ લીધો મોરેટોરિયમનો લાભ

જેફરીજ રિસર્ચ રિપોર્ટથી ખ્યાલ આવે છે કે લોન મોરેટોરિયમના આંકડા પહેલા ચરણની તુલનામાં ઘટ્યા છે. પહેલા ચરણમાં 31 ટકા લોકોએ લોન મોરેટોરિયમનો લાભ લીધો તો બીજા તરણમાં 18 ટકાએ લાભ લીધો હતો. પહેલાં તો આર્થિક ગતિવિધિ શરૂ થઈ તેમ લોન રિપેમેન્ટ પણ શરૂ થયું અન્ય કારણ એ પણ છે કે બેંકે મોરેટોરિયમનો લાભ આપવાના નિયમો કડક કર્યા છે. 

RBIએ લોન રિસ્ટ્રક્ચરિંગને લઈને કહી આ વાત

RBIના લેન્ડર્સ માટે ઓટીપીની જાહેરાત કરાઈ છે. તેના આધારે લોનના રિપેમેન્ટની શરતોને આધારે ફેરફાર કરાશે. ઉધાર લેનારાના એકાઉન્ટ સ્ટેન્ડર્ડ રખાશે. તેમને ડિફોલ્ટર કે નોન પરફોર્મિંગ લોન એકાઉન્ટના આધારે માર્ક નહીં કરવામાં આવે. રિપેમેન્ટ ફેલ થતાં 90 દિવસ બાદ આ એકાઉન્ટને NPA જાહેર કરાશે.  આરબીઆઈ દ્વારા આપવામાં આવેલી જાણકારી અનુસાર બેંક 31 ડિસેમ્બર 2020 સુધી યોગ્ય લોન્સને રિસ્ટ્રક્ચર કરી શકશે. 

કઈ બેંકોને મળશે સુવિધા

RBIએ દરેક સરકારી બેંક, પ્રાઈવેટ બેંક, ભારતમાં ઓપરેટ થનારી વિદેશી બેંક, સ્મોલ ફાઈનાન્સ બેંક, લોકલ એરિયા બેંક, ગ્રામીણ બેંક, શહેરી સરકારી બેંક, રાજ્ય સહકારી બેંક, જિલ્લા કેન્દ્રીય સહકારી બેંક, હાઉસિંગ ફાયનાન્સ કંપનીઓ અને અખિલ ભારતીય નાણાંકીય સંસ્થાને આ સુવિધા અપાશે. આ સ્કીમ એ દરેક પર્સનલ અને કોર્પોરેટ લોન્સને માટે છે જે અત્યારે કોરોના સંકટમાં છે. તેમને શરતો સાથે નાણાંકીય સર્વિસ પ્રોવાઈડર્સ 25 કરોડ રૂપિયાથી ઓછા આઉટ સોર્સિંગના MSME બોરોઅર્સ, ફાર્મ ક્રેડિટ અને સરકારી સંસ્થા માટે લોનને યોગ્ય નથી. ખેતી માટે પ્રાઈમરી એગ્રીકલ્ચર ક્રેડિટ સોસાયટી એટલે કે પીએસીએસ કે ફાર્મર્સ સર્વિસ સોસાયટીને આપવામાં આવેલી લોન રિસ્ટ્રક્ચરિંગમાં ગણાશે.

લોન લેનારા માટે છે આ શરતો
આ સ્કીમનો લાભ ફક્ત એ લોકો લઈ શકશે જેઓએ અત્યાર સુધી સમય સર લોન રિપેમેન્ટ કરી છે. એક અન્ય શરત એ પણ છે કે 31 માર્ચ 2020થી ઓછામાં ઓછા 30 દિવસ સુધી તેઓએ કોઈ અમાઉન્ટ બાકી રાખી નથી.પર્સનલ લોન લેનારાને પણ લાભ મળશે. લોન લેનારાની શરતોમાં ફેરફાર કરાશે. જેમકે પેમેન્ટ રિશિડ્યુલ કરાશે અને વ્યાજમાં ફેરફાર આવશે. આ 2 વર્ષથી વધારે માટે નહીં હોય, દરેક યોગ્ય લોન લેનારાના એકાઉન્ટને સ્ટેન્ડર્ડ એકાઉન્ટની રીતે જ મેન્ટેન કરાશે. 

પર્સનલ રિસ્ટ્રક્ચરિંગ માટે બેંકના છે આ નિયમ
કોઈ પણ લોનને રિસ્ટ્રક્ચર કરવા કે તેના નિરાકરણ માટે  બેંકોને 90 દિવસનો સમય આપવામાં આવશે. જો તેઓ આ સમયગાળા દરમિયાન તેનો અમલ કરવામાં સફળ નહીં રહે તો પછી તેમને રિસ્ટ્રક્ચરિંગ યોજનાનો કોઈ લાભ મળશે નહીં. તેઓએ લોનને બિન-પરફોર્મિંગ એસેટ જાહેર કરવી પડશે.