કાર્યવાહી / બેન્ક-NBFC વિરુદ્ધ હવે ઓનલાઈન ફરિયાદ કરી શકાશે

રિઝર્વ બેન્ક ઓફ ઇન્ડિયાએ બેન્કો અને એનબીએફસી વિરુદ્ધ ઓનલાઇન ફરિયાદ દાખલ કરવા માટે એક એપ્લિકેશન લોન્ચ કરી છે. આરબીઆઇીની વેબસાઇટ પર કમ્પ્લેઇન્ટ મેનેજમેન્ટ સિસ્ટમ (સીએમએસ)ની શરૂઆત કરવામાં આવી છે તેની પાછળ રિઝર્વ બેન્કનો હેતુ સમયસર ફરિયાદોનું નિવારણ લાવીને કસ્ટમર એક્સપિરિયન્સ વધુ સારો બનાવવાનો છે.

આ સીએમએસ પર કસ્ટમર પબ્લિક ઇન્ટરફેસવાળી કોઇ પણ રેગ્યુલેટેડ એન્ટીટી જેમ કે કોમર્શિયલ બેન્ક, અર્બન કો-ઓપરેટિવ બેન્ક અને એનબીએફસી વિરુદ્ધ ઓનલાઇન ફરિયાદ કરી શકાશે.
આ સિસ્ટમ પર દાખલ કરવામાં આવેલ ફરિયાદ યોગ્ય લોકપાલ ઓફિસ/રિઝર્વ બેન્કની પ્રાદેશિક કચેરીને મોકલી આપવામાં આવશે. સીએમએસને ડેસ્કટોપ અને મોબાઇલ બંને પર એક્સેસ કરી શકાય છે. 

રિઝર્વ બેન્કની યોજના ટૂંક સમયમાં એક ડેડિકેટેડ ઇન્ટરએક્ટિવ વોઇસ રિસ્પોન્સ (આઇવીઆર) સિસ્ટમ પણ શરૂ કરવાની છે કે જેથી ફરિયાદના સ્ટેટસને પણ ટ્રેક કરી શકાય અને સમગ્ર તંત્રમાં પારદર્શિતા લાવી શકાય.