તમારા કામનું / RBIએ રેપો રેટ વધારતા લોન લેવી થઇ ગઇ છે મોંઘી! તો અપનાવો આ 5 ટિપ્સ, હળવો થઇ જશે Home Loanનો બોજ!

• RBIએ વધારી દીધો છે રેપો રેટ 
• હોમ લોન થઈ ગઈ છે મોંઘી 
• લોનના બોજને આ પાંચ રીતે કરો ઓછો 

રિઝર્વ બેંકે 2023ની પહેલી મોનિટરી પોલિસીમાં રેપો રેટમાં 0.25 ટકાના વધારાની જાહેરાત કરી છે. હાલના નાણાકીય વર્ષમાં છઠ્ઠી વખત રેપો રેટમાં વધારો કરવામાં આવ્યો છે. મે 2022થી ફેબ્રુઆરી 2023માં કેન્દ્રીય બેંકે રેપો રેટ 4 ટકા વધારીને 6.5 ટકા કરી દીધો છે એટલે કે 2.5 ટકાનો વધારો થયો છે. 

લોકો પર શું થશે અસર? 
રેપો રેટમાં વધારા બાદ પ્રાઈવેટ, પબ્લિક બેંકથી લઈને હાઈસિંગ ફાઈનાન્સિંગ કંપનીઓ હોમ લોનના વ્યાજદરોમાં વધારો કરશે. એવામાં હોમ લોન લેનાર લોકોની ઈએમઆઈ પહેલાથી વધારે થઈ જશે. દર મહિને વધારે પૈસા આપવા પડશે. 

લોન લેનારે શું કરવું જોઈએ? 
જો તમે બેંક પાસેથી હોમ લોન લીધી છે અને તમે વધેલા રેપો રેટના દબાણને ઓછુ કરવા માંગો છો અને લોનમાંથી જલ્દી છુટકારો મેળવવા માંગો છો તો તમને અહીં જણાવેલા અમુક સ્ટેપ્સ કામ આવી શકે છે. જેનાથી લોનનો બોજો ઓછો થઈ જશે. 

જુની વ્યવસ્થા હેઠળ ઓછા વ્યાજદરની ચુકવી 
બેસ રેટ, એમસીએલઆર અથવા બીપીએલઆર જેવી જુની વ્યવસ્થા હેઠળ લોનનું વ્યાજ વધવાની ગતિ ધમી રહી છે. એવામાં ઈબીએલઆર હેઠળ નવા દેવાદારોની તુલનામાં ખૂબ ઓછા વ્યાજદરની ચુકવણી કરતા હશો. તમે તુલના કરીને જુની વ્યવસ્થા  હેઠળ ઈએમઆઈ ભરવાનું ચાલું રાખી શકો છો. 

નવી લોનથી કરો તુલના 
જો તમે જુની વ્યવસ્થા હેઠળ વધારે વ્યાજની ચુકવણી કરી રહ્યા છો તો ઈબીએલઆરના વ્યાજથી પોતાના લોનના વ્યાજની તુલના કરી જોઈએ. જો તમારા લોનનો વ્યાજદર વધારે છે તો તમે સ્વિચ કરી શકો છો. 

બીજી બેંકો સાથે પણ કરો કમ્પેર 
જો તમે કોઈ એવી બેંક પાસેથી લોન લીધી છે જે તમારી હોમ લોન પર વધારે વ્યાજ વસુલે છે તો તમે પોતાની લોનને ઓછા વ્યાજ વાળી બેંકની સાથે ટ્રાન્સફર કરી શકો છો. 

ક્રેડિટ સ્કોરની મદદ લો 
જો તમારો ક્રેડિટ સ્કોર સોરો છે તો તમે પોતાની બેંકમાંથી સમય વધારવા અને ઈએમઆઈ ઓછા કરવાની રિક્વેસ્ટ કરી શકો છો. સાથે જ ઓછા વ્યાજ પર લોન આપવાની પણ માંગ કરી શકો છો. 

રોકાણનો કરો ઉપયોગ 
કોઈ એવા પ્લાનમાં જો તમે રોકાણ કરી રહ્યા છો જેમાં ઓછા વ્યાજનો લાભ થઈ રહ્યો છે અને લોનના બરાબર અથવા વધારે રકમ લગાવવામાં આવી છે તો તેનો ઉપયોગ તમે લોનની ઈએમઆઈ ચુકવવામાં કરી શકો છો.