તમારા કામનું / RBIએ 6 મહિના માટે આ બૅંકમાંથી 10 હજારથી વધુ પૈસા કાઢવા પર લગાવ્યો પ્રતિબંધ

• RBIનો વધુ એક બેન્ક પર સકંજો 
• 6 મહિના માટે લગાવ્યા પ્રતિબંધો 
• જાણો શું પ્રતિબંધો લગાવ્યા 

રિઝર્વ બેન્ક ઓફ ઈન્ડિયાએ (RBI) વધુ એક બેન્ક પર સકંજો કસ્યો છે. મહારાષ્ટ્રની અહમદગર સ્થિત નગર અર્બન કો-ઓપરેટિવ બેન્ક લિમિટેડ  (Nagar Urban Cooperative Bank) પર RBIએ ઘણા પ્રકારના પ્રતિબંધો લગાવ્યા છે. 

નગર અર્બન કો-ઓપરેટિવ બેન્ક લિમિટેડના ગ્રાહક પોતાના બેન્ક ખાતામાંથી વધુમાં વધુ 10000 રૂપિયા સુધીની જ રકમ ઉપાડી શકશે. RBIએ સ્પષ્ટ કહી દીધુ છે કે આ નિયમ બચત ખાતા અને ચાલુ ખાતા બન્ને પર લાગુ રહેશે. બેન્કની ખરાબ થઈ રહેલી નાણાકીય સ્થિતિને ધ્યાનમાં રાખીને કેન્દ્રીય બેન્કે આ નિર્ણય લીધો છે. 

6 મહિના માટે લગાવ્યા પ્રતિબંધો 
RBIએ કહ્યું કે બેન્કિંગ નિયમન અધિનિયમ, 1949 હેઠળ આ પ્રતિબંધો 6 સપ્ટેમ્બર, 2021થી આવકા મહિનાના માટે લાગુ રહેશે. RBIએ કહ્યું કે આગળ ફરી તેની સમીક્ષા કરવામાં આવશે. 

કેશ ઉપાડવાની સીમા નક્કી કર્યા બાદ કેન્દ્રીય બેન્કે કહ્યું છે કે નગર અર્બન કો-ઓપરેટિવ બેન્ક તેની અનુમતિ વગર ન તો કોઈ લોન કે એડવાન્સ આપશે અને ન કોઈ દેવાનું નવીકરણ કરશે. 

આ ઉપરાંત RBIના આદેશ અનુસાર Nagar Urban Cooperative Bankના કોઈ પણ પ્રકારનું રાકણ કરવા કોઈ પ્રકારની દેનદારી લેવા, ચુકવણી અને સંપત્તિઓના ટ્રાન્સફર અથવા વેચાણ પર પણ રોક રહેશે. 

રિઝર્વ બેન્કે જણાવ્યું કે બેન્કની નાણાકીય હાલત ખરાબ છે. જેના પર નજર રાખવામાં આવી રહી છે. માટે ગ્રાહકોને આ પ્રકારની પરેશાની ન થાય માટે અત્યાર સુધી બચત બેન્ક અથવા ચાલુ ખાતાથી 10,000 રૂપિયા ઉપાડવાની પરવાનગી આપવામાં આવી છે. 

બેન્કિંગ લાયસન્સ રદ્દ કરવાનો નિર્ણય નહીં 
RBIના આ નિર્ણયની કોપી બેન્કની દરેક બ્રાન્ચમાં આપવામાં આવી છે. જેથી ગ્રાહકોને તેની સંપૂર્ણ જાણકારી મળી શકે. જોકે રિઝર્વ બેન્ક ઓફ ઈન્ડિયાએ સ્પષ્ટ કરી દીધુ છે કે Nagar Urban Cooperative Bankની નાણાકીય સ્થિતિને સુધારવા માટે આ નિર્ણય લેવામાં આવ્યા છે. આ પ્રતિબંધોમાં બેન્કિંગ લાયસન્સ રદ્દ  કરવામાં નથી આવ્યું.