રિઝર્વ બેન્કે રેપો રેટમાં વધારો કરતાં જ બેન્કોએ વ્યાજદરમાં વધારો કરવાનું શરૂ કરી દીધું છે. વ્યાજદરમાં વધારો થવાની સાથે લોનની ઈએમઆઈમાં સતત વધારો થઈ રહ્યો છે.
દેશમાં મોંધવારી આસમાને પહોચી
RBI એ રેપો રેટમાં કર્યો વધારો
રેપો રેટના વધારાથી ઘણી બેન્કોએ પોતાના વ્યાજદર વધાર્યા
રેપો રેટ વધવાથી બેન્કના લોનના વ્યાજદરમાં વધારો
વધતી જતી મોંધવારીને નિયંત્રણ કરવા માટે રિઝર્વ બેંક રેપો રેટ વધારવાના રસ્તે આવી ગયું છે. સૌથી પહેલા મેં મહિનામાં રેપો રેટ 0.40% વધાર્યો. ત્યાર પછી જુનમાં થયેલ RBI MPC ની બેઠક પછી સેન્ટ્રલ બેન્કે રેપો રેટ ફરીથી 0.50 ટકા વધારો કર્યો. મે-જૂનમાં રેપો રેટ 0.90 ટકા વધીને 4.90 ટકા થઇ ગયો. રેપો રેટમાં નવો વધારો આ અઠવાડિયે બુધવારે થયો હતો. ત્યારબાદ માત્ર 24 કલાકમાં સાત બેંકોએ વ્યાજ દર વધારવાની જાહેરાત કરી દીધી.
ICICI બેંક:
રિઝર્વ બેંકની જાહેરાત બાદ ગ્રાહકો પર વધેલા દરોનો બોજો નાખવામાં ખાનગી ક્ષેત્રની આ બીજી સૌથી મોટી બેંક છે. ICICI Bank એ ગુરુવારે બેંચમાર્ક લેન્ડિંગ રેટ 0.50 ટકા વધારીને 8.60 ટકા કર્યો છે. ICICI બેંકની વેબસાઈટ પર નોટિફિકેશનમાં આપવામાં આવેલી જાણકારી મુજબ એક્સટર્નલ બેંચમાર્ક લેન્ડિંગ રેટનો વધેલો દર 8 જૂનથી લાગુ થઈ ગયો છે. બેંકે MCLRમાં પણ વધારો કર્યો હતો. MCLRના વધેલા દરો 01 જૂનથી અમલમાં આવ્યા. બેંકે કહ્યું કે રાતોરાત એક મહિના અને ત્રણ મહિના માટે MCLR હવે અનુક્રમે 7.30 ટકા અને 7.35 ટકા છે. એ જ રીતે, સંશોધિત MCLR છ મહિના માટે 7.50 ટકા અને એક વર્ષ માટે 7.55 ટકા છે.
બેંક ઓફ બરોડા:
બેંક ઓફ બરોડાએ બરોડા રેપો લિંક્ડ લેન્ડિંગ રેટ (BRLLR)માં વધારો કરવાની જાહેરાત કરી છે. બેંકે કહ્યું કે હવે આ દર વધીને 7.40 ટકા થઈ ગયો છે. તેમાંથી 4.90 ટકા હિસ્સો આરબીઆઈના રેપો રેટથી છે. આ સિવાય બેન્કે 2.50 ટકા માર્ક-અપ ઉમેર્યું છે. બેંક ઓફ બરોડાએ ગુરુવારે જણાવ્યું હતું કે નવા દરો 09 જૂનથી લાગુ થઇ ગયા છે.
પંજાબ નેશનલ બેંક:
પંજાબ નેશનલ બેંકે રેપો લિંક્ડ લેન્ડિંગ રેટમાં વધારો કર્યો છે. બીજી સૌથી મોટી સરકારી બેંકે જણાવ્યું હતું કે તેણે હવે રેપો લિંક્ડ લેન્ડિંગ રેટ વધારીને 7.40 ટકા કર્યો છે. પીએનબીના વધેલા વ્યાજ દર પણ 09 જૂનથી લાગુ થઈ ગયા છે.
બેંક ઓફ ઇન્ડિયા:
બેંક ઓફ ઇન્ડિયાએ પણ પોતાની વેબસાઇટ પર વ્યાજદરમાં વધારાની જાણકારી આપી છે. બેન્ક ઓફ બરોડાએ કહ્યું કે હવે રેપો બેઝ્ડ લેન્ડિંગ રેટ વધારીને 7.75 ટકા કરી દીધો છે. બેન્ક ઓફ ઇન્ડિયાએ જણાવ્યું હતું કે રિઝર્વ બેન્કે રેપો રેટ વધારીને 4.90 ટકા કર્યા બાદ વ્યાજદરમાં વધારો કરવાનો નિર્ણય લીધો છે.
એચડીએફસી લિમિટેડ:
એચડીએફસી લિમિટેડ દેશની સૌથી મોટી હાઉસિંગ ફાઇનાન્સ કંપની છે. એચડીએફસી લિમિટેડે જણાવ્યું હતું કે તેણે હાઉસિંગ લોનના બેંચમાર્ક રિટેલ પ્રાઇમ લેન્ડિંગ રેટમાં વધારો કર્યો છે. એચડીએફસી લિમિટેડની એડજસ્ટેબલ રેટ હોમ લોન્સ આ દર પર આધારિત છે. કંપનીએ આ રેટમાં 0.50 ટકાનો ટકાનો વધારો કર્યો છે. કંપનીએ બીએસઈને જણાવ્યું હતું કે વધેલા દરો 10 જૂનથી લાગુ થઈ જશે.
ઈન્ડિયન ઓવરસીઝ બેંકઃ
ઈન્ડિયન ઓવરસીઝ બેંકે પણ રેગ્યુલેટરી ફાઈલિંગમાં વ્યાજ દરમાં વધારાની જાણકારી આપી છે. ઇન્ડિયન ઓવરસીઝ બેંકે કહ્યું કે તેણે રેપો લિંક્ડ લેન્ડિંગ રેટ વધારીને 7.75 ટકા કરવાનો નિર્ણય લીધો છે. જેમાં 4.90 ટકા રેપો રેટ અને 2.85 ટકા માર્જિનનો સમાવેશ થાય છે. બેંકે કહ્યું કે વધેલા વ્યાજ દરો ૧૦ જૂનથી અમલમાં લાગુ પડશે.
એચડીએફસી બેંક:
દેશની સૌથી મોટી ખાનગી બેંકે હાઉસિંગ લોનથી લઈને કાર લોન અને પર્સનલ લોન સુધીની દરેક વસ્તુ પર વ્યાજ દરમાં વધારો કર્યો છે. જો કે આરબીઆઇની જાહેરાત પહેલા જ બેંકે વ્યાજદરમાં વધારો કર્યો હતો. બેંકે રેપો લિંક્ડ લેન્ડિંગ રેટ 0.50 ટકા વધારીને 7.40 ટકા કર્યો છે. આ સિવાય RLLR પર આધારિત ન હોય તેવી અન્ય લોનના વ્યાજ દરોમાં 0.35 ટકાનો વધારો કર્યો છે.