ભારતીય રિઝર્વ બેંકના ગવર્નર શક્તિકાંત દાસે સોમવારે કહ્યું હતું કે, દેશમાં બેંક નોટ છાપવા બાબતે ઘણા બધા અંશે આત્મનિર્ભરતા પ્રાપ્ત કરી લીધી છે.
રિઝર્વ બેંકના ગવર્નરે કરી આ વાત
નોટ છાપવામાં દેશમાં મળી રહેશે આ તમામ વસ્તુ
આત્મનિર્ભર બની રહ્યો છે દેશ
ભારતીય રિઝર્વ બેંકના ગવર્નર શક્તિકાંત દાસે સોમવારે કહ્યું હતું કે, દેશમાં બેંક નોટ છાપવા બાબતે ઘણા બધા અંશે આત્મનિર્ભરતા પ્રાપ્ત કરી લીધી છે. આ વાત તેમણે સ્પેશિયલ કરંસી ઈંક બનાવતી એક મેન્યુફેક્ચરિંગ યુનિટને લોન્ચ કરતી વખતે કહી હતી. ગવર્નરે કેન્દ્રીય બેંક સબ્સિડિયરી ભારતીય રિઝર્વ બેંક નોટ મુદ્રણની શાહી બનાવતી યુનિટ વર્ણિકાનું ઉદ્ઘાટન કર્યું છે. આ યુનિટ કર્ણાટકના મૈસૂરમાં આવેલું છે.
બેંક નોટ છાપવામાં બની આત્મનિર્ભર
તેમણે બેંક નોટના સિક્યોરિટી ફીચર્સને ઉત્તમ બનાવાના ઉદ્દેશ્યથી બનવા જઈ રહેલી શાહી માટે રિસર્ચ અને ડેવલપમેંટના મહત્વ પર ભાર આપ્યો હતો. તેમણે કહ્યું કે, મેક ઈન ઈંડિયાને પ્રોત્સાહન આપનારી આ પહેલ છે. તેનાથી એ નક્કી થાય છે કે, બેંક નોટ પ્રિંટ કરવા માટે ઉપયોગમાં લેવાતી તમામ વસ્તુઓ દેશમાં ઉપલબ્ધ થાય. બેંક નોટ છાપવાના મામલામાં આત્મનિર્ભરતા મેળવવા માટે દેશ ઝડપથી આગળ વધી રહ્યો છે.
નોટ છાપવાનો ખર્ચો ઘટશે
વર્ણિકા યુનિટ 1500 મેટ્રિક ટન સ્પેશિયલ ઈંકની મૈન્યુફેક્ટચરિંગ કરી શકે છે. આ યુનિટ કલર શિફ્ટ ઈંટેગ્લિયો ઈંક એટલે કે, (CSII)ની મેન્યુફેક્ચરિંગ પણ કરશે. આવી રીતે બેંક નોટ છાપવા માટે દરેક જરૂરી વસ્તુ હવે દેશમાં મળતી થશે. આવી રીતે ખર્ચો ઘટશે, સાથે જ બેંક નોટ ઈંકના પ્રોડક્શનમાં ભારત આત્મનિર્ભર પણ બનશે. તેની સાથે જ ગવર્નરે મૈસૂરમાં જ લર્નિંગ એન્ડ ડેવલપમેંટ સેન્ટરની આધારશિલા પણ રાખી હતી.