ડિજીટલ ઇન્ડિયાના આ સમયમાં લોકો પૈસાની લેવડ દેવડ માટે બેંકોમાં જવાની જગ્યાએ ઑનલાઇન ટ્રાન્ઝેક્શનને પ્રાથમિકતા આપી રહ્યા છે. એવા લોકો માટે એક જરૂરી સમાચાર છે. વાસ્તવમાં ઑનલાઇન ટ્રાન્ઝેક્શનથી જોડાયેલા એક નિયમમાં ફેરફાર થયો છે. આ નિયમ 1 જૂનથી લાગૂ થશે.
વાસ્તવમાં ભારતીય રિઝર્વ બેંકે સામાન્ય નાગરિકને રાહત આપતા રિયલ ટાઇમ ગ્રૉસ સેટલમેન્ટ દ્વારા પૈસા મોકલવાનો સમય દોઢ કલાક વધારીને સાંજે 6 વાગ્યા સુધી કરી દીધો છે.
હાલ RTGS દ્વારા સાંજે 4:30 વાગ્યે સુધી જ મની ટ્રાન્સફરની સુવિધા છે. આરબીઆઇએ એના માટે એક નોટિફિકેટશન પણ જારી કરી દીધું છે. RTGS હેઠળ થયેલો આ ફેરફાર 1 જૂનથી લાગૂ થવા જઇ રહ્યો છે.
શું છે RTGS
RTGS સિસ્ટમ હેઠળ મની ટ્રાન્સફરનું કામ તરત થાય છે. RTGS નો ઉપયોગ મુખ્યત્વે મોટી રકમને ટ્રાન્સફર કરવા માટે થાય છે. એ હેઠળ ન્યૂનતમ 2 લાખ રૂપિયા મોકલી શકાય છે અને વધારે રકમ મોકલવાની કોઇ મર્યાદા નથી. જો કે રવિવારે અને રજાના દિવસે RTGS સર્વિસ ઉપલબ્ધ થતી નથી. એને ઑનલાઇન અને બેંક બ્રાંચ બંને માધ્યમથી ઉપયોગ કરી શકાય છે.
RTGS ઉપરાંત પૈસા એક ખાતાથી બીજા ખાતામાં મોકલવાના બે લોકપ્રિય માધ્યમ છે. પહેલું નેશનલ ઇલેક્ટ્રૉનિક ફંડ ટ્રાન્સફર જ્યારે બીજું IMPS એટલે કે ઇમીડિએટ પેમેન્ટ સર્વિસ છે.
NEFT માં ટ્રાન્સફર માટે ન્યૂનતમ અને વધારેમાં વધારે પૈસાની સીમા નથી. બેંકોમાં NEFT માટે ફંડ સેટલમેન્ટ સાઇકલ સામાન્ય રીતે કામકાજના દિવસોમાં 11 કલાક અને શનિવારે 5 કલાક હોય છે.
તો બીજી બાજુ IMPS એટલે કે ઇમીડિએટ પેમેન્ટ સર્વિસની વાત કરીએ તો એના દ્વારા તરત જ ફંડ ટ્રાન્સફર થાય છે અને આ સર્વિસ સપ્તાહમાં સાત દિવસ 24 કલાક ઉપલબ્ધ રહે છે.