રિઝર્વ બેન્ક ઑફ ઈન્ડિયા પોતાની ડિજીટલ કરન્સીને લોન્ચ કરવાને લઇને ઝડપથી કામ કરી રહ્યું છે. એક તરફ આરબીઆઈ ખાનગી ક્રિપ્ટોકરન્સીનો વિરોધ કરી રહ્યું છે, બીજી તરફ CBDC એટલેકે સેન્ટ્રલ બેન્ક ડિજીટલ કરન્સી પર કામ કરી રહી છે.
RBI ડિજીટલ કરન્સીને લઇને કરી રહી છે મોટું કામ
ડિજીટલ કરન્સીને લઇને કરવાની છે પાયલોટ ટેસ્ટિંગ
માર્કેટમાં ડિમાન્ડના આધારે તેની કિંમતમાં ઉતાર-ચઢાવ થશે નહીં
રિટેલ અને હોલસેલ સેગમેન્ટમાં પાયલટ ટેસ્ટિંગ કરાશે
ડેપ્યુટી ગવર્નર ટી રવિશંકરે કહ્યું કે સેન્ટ્રલ બેન્ક તબક્કાવાર રીતે આ દિશામાં કામ કરી રહ્યું છે. રિટેલ અને હોલસેલ સેગમેન્ટમાં તેના ઉપયોગને લઇ ટૂંક સમયમાં પાયલટ ટેસ્ટિંગ કરી શકાય છે. રિઝર્વ બેન્ક ઑફ ઈન્ડિયા આ વાતની શક્યતા પર વિચાર કરી રહ્યું છે કે ડિજીટલ કરન્સીના રિટેલ અને હોલસેલ પેમેન્ટમાં કયા પ્રકારનો ઉપયોગ કરી શકાય છે. શું તેને સેન્ટ્રલાઈઝ્ડ લેવલ પર કામ કરવુ જોઈએ અથવા પછી ડિસ્ટ્રીબ્યુટેડ લેઝર ટેકનોલોજી પર કામ કરવુ જોઈએ. આ વાતની સંભાવના તલાશી શકાય છે કે અલગ-અલગ કામ માટે અલગ-અલગ ટેકનોલોજીનો ઉપયોગ કરવો યોગ્ય રહેશે અથવા એક જ ટેકનોલોજી પર આધારિત બધા કામ થશે.
વર્તમાન કરન્સીનું ડિજીટલ ફોર્મ
સેન્ટ્રલ બેન્કની ડીજીટલ કરન્સી એટલેકે CBDC એક રીતે રૂપિયાનુ ડીજીટલ ફોર્મ હશે. જ્યાં તમે નોટ વાળા રૂપિયાનો ઉપયોગ કરો છો ત્યાં તેનો પણ ઉપયોગ કરી શકાય છે. જો કે, CBDC ક્રિપ્ટોકરન્સીની જેમ નહીં હોય. માર્કેટમાં ડિમાન્ડના આધારે તેની કિંમતમાં ઉતાર-ચઢાવ થશે નહીં.
નાણાંકીય સિસ્ટમ પર પ્રભાવનું મૂલ્યાંકન
ડિજીટલ કરન્સીની શક્યતાઓની સાથે-સાથે તે નાણાંકીય સિસ્ટમ પર ડિજીટલ કરન્સીના પ્રભાવ અંગે ગંભીરતાથી વિચારી રહ્યું છે. જેમકે આપણે જાણીએ છીએ RBI ખાનગી ક્રિપ્ટોકરન્સીને પ્રતિબંધ કરવા માગે છે. RBI ઘણી વખત સરકારને કહી ચૂકી છે કે ખાનગી ક્રિપ્ટોકરન્સી દેશના નાણાકીય સિસ્ટમ માટે યોગ્ય નથી. જો કે, સરકાર ખાનગી કરન્સીને ફરીથી નિયમિત કરવાની દિશામાં કામ કરતી દેખાઈ રહી છે.