દેશમાં બેંકિંગ સેવાઓને ઘરે ઘરે સુધી પહોંચાડવાને માટે ભારતીય રિઝર્વ બેંકે 2015માં પેમેન્ટ બેંકની શરૂઆત કરી હતી. આ બેંકના લાયસન્સને માટે દેશની 41 કંપનીઓએ RBIને અરજી કરી હતી પણ તેમાંથી ફક્ત 11ને જ લાયસન્સ આપવામાં આવ્યું હતું જેમાં પેમેન્ટ બેંકમાં જાણીતી વોડાફોન m-Pesaનું કામકાજ બંધ થયું છે. હવે વોડાફોન m-Pesaના ગ્રાહકોએ એક નક્કી સમય સુધી પોતાના પેમેન્ટ બેકથી રૂપિયા કાઢી લેવાના રહેશે.
હંમેશા માટે બંધ થઈ આ બેંક
ઝડપથી કાઢી લો તમારા રૂપિયા
વોડાફોન m-Pesaનું કામકાજ થયું બંધ
વોડાફોને સ્વેચ્છાથી બેંક m-Pesaને બંધ કરવાની અરજી કરી હતી. ત્યારબાદ રિઝર્વ બેંકે વોડાફોન m-Pesaના સીઓએને રદ કર્યું છે. આરબીઆઈના નિર્ણય બાદ કંપની પ્રીપેડ પેમેન્ટ સંબંધિત કાર્યો કરી શકશે નહીં. તેનો અર્થ એ થાય છે કે પેમેન્ટ બેંકનું કામકાજ હવે બંધ થયું છે.
શું હોય છે પેમેન્ટ બેંક?
પેમેન્ટ બેંકને લોન્ચ કરવાનો હેતુ સ્મોલ સેવિંગ્સ એકાઉન્ટ હોલ્ડર્સ, લો ઈનકમ હાઉસ હોલ્ડ, અસંગઠિત ક્ષેત્ર, પ્રવાસી મજૂરો અને નાના બિઝનેસમેનને બેંકિંગ સેવાઓથી જોડવાનો છે. આ માટે આરબીઆઈના નોન બેંકિંગ ફાઈનાન્શિયલ કોર્પોરેશન, મોબાઈલ ફોન સેવા આપનારી કંપનીઓ અને પછી સુપર માર્કેટ ચેન વગેરેને પેમેન્ટ બેંક શરૂ કરવાની છૂટ આપવામાં આવી છે.
કોઈ પણ વ્યક્તિ 30 સપ્ટેમ્બર 2022 સુધી દાવો કરી શકે
ગ્રાહકો કે વ્યાપારીઓના પેમેન્ટ પ્રણાલી પીએસઓના રૂપમાં કંપનીની ઉપર કોઈ દાવો છે તો તે સીઓએ રદ થવાના 3 વર્ષ સુધી એટલે કે 30 સપ્ટેમ્બર 2022 સુધી દાવો કરી શકે છે. ગ્રાહકો આ ડેડલાઈન સુધી પોતાના દાવાને નિપટાવી લે તે જરૂરી છે. ઉલ્લેખનીય છે કે ગયા વર્ષે આદિત્ય બિડલા આઈડિયા પેમેન્ટ બેંક લિમિટેડે પણ આરબીઆઈને લિક્વિડેટ કરવાની અરજી કરી હતી.
શું છે પેમેન્ટ બેંકની વ્યવસ્થા?
આ બેંકોને મોટી રકમ જમા રાખવાની પરમિશન હોતી નથી. આ સિવાય આ બેંક લોન આપતી નથી. જો કે એટીએમ/ ડેબિટ કાર્ડ જરૂર આપી શકે છે પરંતુ ક્રેડિટ કાર્ડ આપી શકતી નથી.